ගොනාකෝවිලේ රොහා මරා දැමීමේ සතුටට පාටි දැමු කුඩු අංජුගේ සොයුරිය අත්අඩංගුවට

ගොනාකෝවිලේ රොහා නැමැති පාතාල කල්ලි සාමාජිකයා පොලිස් වෙඩිපහරින් මිය යාමත් සමග සාදයක් සංවිධාන කළ ප්‍රතිවිරුද්ධ පාර්ශවය වන ගොනාකෝවිලේ අංජුගේ සොහොයුරිය ඇතුලු කිහිප දෙනෙක් අත්අඩංගුවට ගැනීමට පොලිසිය කටයුතු කොට තිබෙනවා.

ගොනාකෝවිලේ රොහා ඝාතනය කිරීම සදහා ගොනාකෝවිලේ අංජු කෝටි 5ක විවෘත ලන්සුවක් තබා තිබූ බවක්ද මිට පෙර වාර්තා වුණා.

රටින් පැන යාමට සුදානමින් සිටියදී ඝාතනයට ලක්වූ ගොනා කෝවිලේ රොහාගේ මරණය සම්බන්ධයෙන් ප්‍රතිවිරුද්ධ කල්ලි නායකයා කුඩු අංජු ඉතාලියේ සිට සිය සතුට පළ කරමින් ෆේස්බුක් සටහන් ද තබා තිබුණා.

මිය ගිය රොහාගේ අවසන් කටයුතුවලට සහභාගී වන සියල්ලන්ව මරා දමන බවයි අංජු සිය ෆේස්බුක් ඔස්සේ සඳහන් කර ඇත්තේ.

රොහාගේ මළ සිරුර රැගෙන නොඑන ලෙස මෙන්ම රෝහලේදී අවසන් කටයුතු කළ යුතු බවද එම පාතාල නායකයා සඳහන් කර තිබෙනවා.

රොහාව ඝාතනය කරන ඕනෑම කෙනෙක්ට රුපියල් කෝටි 3ක් දෙන බවද අංජු මීට පෙර සඳහන් කර තිබුණා.

The post ගොනාකෝවිලේ රොහා මරා දැමීමේ සතුටට පාටි දැමු කුඩු අංජුගේ සොයුරිය අත්අඩංගුවට appeared first on ColomboXnews.