ගාලු කණ්ඩායම පෙරළිකාර ජයක් සමගින් අවසන් පූර්ව වටයට සුදුසුකම් ලබා ගනී

අති විශිෂ්ට පන්දු යැවීමක නිරතවෙමින්  කළම්බු ස්ට්‍රයිකර්ස්  කණ්ඩායම ලකුණු 74 හතරකට සීමා කළ ගෝල් ටයිටන්ස් කණ්ඩායම   LPL තරගාවලියේ අද පැවති තීරණාත්මක තරගයෙන්  කඩුලු  08ක ජයග්‍රහණයත් සමග  අවසන් පූර්ව වටයට සුදුසුකම් ලබාගැනීමට සමත්විය.

කොළඹ කණ්ඩායම ලද වේදනාකාරී පරාජයෙන් පසු ඔවුහු තරගාවලියෙන් ඉවතට විසි වී ගියහ.

උත්කර්ෂවත් විචිත්‍රත්වය වන්නේ මේ ප්‍රවේගකාරී ජයග්‍රහණයත් සමග ගාලු කණ්ඩායම ප්‍රසාද ලකුණු සටහනේ දෙවැනියට පැමිණෙමින් නුවර කණ්ඩායම තුන්වන තැනටත් යාපනය කණ්ඩායම සිවු වන තැනටත් ඇද දැමීමය.

ප්‍රථමයෙන් පන්දුවට පහරදුන් කොළඹ කණ්ඩායමට පන්දුවාර 15යි පන්දු 4කදී සියලුදෙනා දැවී රැස්කරගත හැකිවූයේ ලකුණු 74ක් පමණි. මෙම ප්‍රතිඵලය රැගෙන ආවේ ටබ්‍රයිස් සම්සි ගේ විශිෂ්ට පන්දු යැවීමය.

ඔහු පන්දු වාර 04 තුළ දී ලකුණු 20කට කඩුළු 04ක් ලැබුවේය.  ඉනිම බිඳ දැමීමේ ඊලඟ විශිෂ්ඨයා වූයේ සීකුගේ ප්‍රසන්නය.  ඔහු ලකුණු 14කට කඩුළු 03ක් ලබා ගත්තේය.

ලහිරු කුමාර යැව්වේ පන්දු ඕවර 02කි. ලකුණු 09කට කඩුළු 02කි. ශකීබ් අල් හසන් පන්දු ඕවර 3.4ක් යවා ලබා දුන්නේ ලකුණු 08කි ඔහු අවසන් කඩුල්ල දවාගෙන ලකුණු  ලකුණු 74කට කොළඹ ඉනිම සීමා කළේය

අවසන් ලකුණු 06 තුළ කඩුළු 05ක් දැවී ගියේය. ලකුණු 74ක් ලකුණු පුවරුවේ සටහන්ව තිබිය දී කඩුළු 03ක් දැවී ගියේය. කොළඹ කණ්ඩායමේ වැඩිම ලකුණු සංඛ්‍යාව වූයේ ලකුණු 14කි. ලහිරු උදාර සහ නුවනිඳු ප්‍රනාන්දු ලකුණු 14 බැගින් රැස් කරගත්තේය.  කණ්ඩායමේ 07 දෙනෙක් ලකුණු 06ට අඩුවෙන් ලබා ගෙන තිබිණි.

පිළිතුරු ඉනිම ක්‍රීඩා කිරීමට පැමිණි ගාලු ටයිටන්ස් කණ්ඩායමට ඉලක්කයක් තිබුණේ ප්‍රසාද ලකුණු පුවරුවේ සිය ස්ථානය තහවුරු කර ගැනීමය.

ඔවුහු එය කළහ. ලසිත් කෲස්පුල්ලේ පන්දු 25ක දී නොදැවී ලකුණු 42ක් ලැබුවේය. ශකීබ් අල් හසන් නොදැවී ලකුණු 17ක් රැස් කළේය. තුන්වන කඩුල්ල වෙනුවෙන් ශකීබ් සහ ලසිත්  නොබිඳුන ලකුණු 56 ක සම්බන්ධතාවයක් ගොඩනැගූහ.  පන්දු 69ක් ඉතිරිව තිබිය දී ඔවුහු ලකුණු 75ක ජයග්‍රාහී ඉලක්කය ලබා ගෙන තරගය නිමා කළහ.

The post ගාලු කණ්ඩායම පෙරළිකාර ජයක් සමගින් අවසන් පූර්ව වටයට සුදුසුකම් ලබා ගනී appeared first on ColomboXnews.