කොටිකාවත්ත රාත්‍රී ආපන ශාලාවක ගැටුමක් – හිමිකරු මරුට

කොටිකාවත්තේ පිහිටි තාවකාලික රාත්‍රී ආපන ශාලාවක දෙපිරිසක් අතර ඇතිවූ ගැටුමකින් පුද්ගලයෙකු ජීවිතක්ෂයට පත්ව තිබේ.

අදාළ ආපන ශාලාවේ හිමිකරු මෙලෙස ජීවිතක්ෂයට පත්ව ඇති බව අප වාර්තාකරු සඳහන් කළේය.

කොටිකාවත්ත මංසන්ධියේ පිහිටි තාවකාලික රාත්‍රී ආපන ශාලාවක අද (29) අලුයම 2ට පමණ මෙම ගැටුම හටගෙන තිබුණි.

අප වාර්තාකරු පැවසුවේ, ආහාර මිලදීගැනීම සඳහා ආපන ශාලාවට පැමිණි තරුණයෙකු සහ ආපනශාලාවේ හිමිකරු අතර ඇතිවූ බහින් බස්වීමක් දුරදිග යාමෙන් දෙදෙනා අතර ගැටුම හටගෙන තිබූ බවය.

පසුව අදාළ තරුණයා විසින් තවත් පිරිසක් ආපන ශාලාව වෙත කැඳවාගෙන විත් හිමිකරුට පහරදී තිබේ.

පහරකෑමෙන් ආපන ශාලාවේ හිමිකරු ජීවිතක්ෂයට පත්ව ඇති අතර ඔහු කොටිකාවත්ත ප්‍රදේශයේ පදිංචි 30 හැවිරිදි අයෙකි.

The post කොටිකාවත්ත රාත්‍රී ආපන ශාලාවක ගැටුමක් – හිමිකරු මරුට appeared first on ColomboXnews.