කෙහෙළිය හැසිරෙන්නේ ආකිමිඩිස් පාරේ හෙළුවෙන් දිව්වා වගේ – චන්දිම වීරක්කොඩි (වීඩියෝ)

රජය ගෙනයන ක්‍රියාකලාපය සම්බන්ධයෙන් තමන් අදහස් ප්‍රකාශ කළේ එය නිවැරදි මාවතට ගෙන යෑමේ අරමුණින් බව පාර්ලිමේන්තු මන්ත්‍රී චන්දිම වීරක්කොඩි පවසනවා. තමන් පසුගියදා සිදුකළ ප්‍රකාශයක් සම්බන්ධයෙන් අමාත්‍ය කෙහෙළිය රඹුක්වැල්ල සිදුකළ අදහස්වලට ප්‍රතිචාර දක්වමිනුයි මන්ත්‍රීවරයා මේ බව පැවසුවේ.

රජය ගෙන යන මාර්ගය ගැටලුකාරී බවත් එය නිවැරදි කරනොගත හොත් ජනතාවගෙන් ප්‍රතික්ෂේප විය හැකි බවත් ශ්‍රී ලංකා පොදුජන පෙරමුණේ පාර්ලිමේන්තු මන්ත්‍රී චන්දිම වීරක්කොඩි පසුගියදා ප්‍රකාශ කළා.

රජය නියෝජනය කරන මන්ත්‍රීවරයෙක් එලෙස රජයේ වැඩපිළිවෙළ විවේචනය කිරීම පිළිබඳව මහනුවරදී පැවති මාධ්‍ය හමුවකදී අමාත්‍ය කෙහෙළිය රඹුක්වැල්ල මාධ්‍යවේදීන් විමසා සිටියා.

කෙසේ වෙතත් අද ගාල්ලේ පැවති මාධ්‍ය හමුවකදී චන්දිම වීරක්කොඩි සිය ප්‍රකාශය සම්බන්ධයෙන් යළිත් තම ස්ථාවරය පැහැදිලි කළා.

එහිදී ඔහු කියා සිටියේ ආකිමිඩිස් රසදිය සොයාගත් වෙලාවේ යුරේකා ලෙස කෑ ගසමින් පාරේ හෙළුවෙන් දිවගිය බවත් රජයේ මාධ්‍ය ප්‍රකාශකවරයා මේ මොහොතේ හැසිරෙන්නේද ඒ පිළිවෙලට බවයි.

The post කෙහෙළිය හැසිරෙන්නේ ආකිමිඩිස් පාරේ හෙළුවෙන් දිව්වා වගේ – චන්දිම වීරක්කොඩි (වීඩියෝ) appeared first on ColomboXnews.