කෙහෙළියගේ සමයේ සිදු වූ ඖෂධ වංචාවක් ගැන තවත් හෙළිදරව්වක් මෙන්න

හිටපු සෞඛ්‍ය අමාත්‍ය කෙහෙළිය රඹුක්වැල්ල මහතාගේ සමයේ සිදුවූ තවත් ඖෂධ වංචාවක් සම්බන්ධයෙන් වෛද්‍ය හා සිවිල් අයිතිවාසිකම් පිළිබඳ වෛද්‍යවරුන්ගේ වෘත්තීය සමිති සන්ධානය අද (24) අනාවරණයක් කළේය.

එහිදී අදහස් දැක්වූ වෛද්‍ය හා සිවිල් අයිතිවාසිකම් පිළිබඳ වෛද්‍යවරුන්ගේ වෘත්තීය සමිති සන්ධානයේ සභාපති විශේෂඥ වෛද්‍ය චමල් සංජීව මහතා පැවසුවේ, තවත් තත්ත්වයෙන් බාල ඖෂධ 38කට ආසන්න ප්‍රමාණයක් ගුණාත්මක බව පරීක්ෂා නොකොට ප්‍රසම්පාදන නීති උල්ලංඝනය කරමින් මෙරටට ගෙනවිත් කටුනායක ගුවන්තොටුපොළ පරිශ්‍රයේ රඳවා තිබෙන බවයි.

“මේ වන විට කරුණු අනාවරණය වෙනවා තවත් තත්ත්වයෙන් බාල ඖෂධ 38කට ආසන්න ප්‍රමාණයක් නිසි පරිදි ගුණාත්මක බව පරීක්ෂා නොකර ප්‍රසම්පාදන නීති උල්ලංඝනය කරමින් ලංකාවට ගෙනවිත් ඒවා කටුනායක ගුවන්තොටුපොළ පරිශ්‍රයේ රඳවා තිබෙනවා. අදාළ ටෙන්ඩරය ලබාදීමට ඉදිරිපත් කළ කැබිනට් පත්‍රිකාව. මේ කැබිනට් පත්‍රිකාවෙන් පැහැදිලිවම ඉන්දියානු ණය යෝජනා ක්‍රමයේ මූලික කොන්දේසි උල්ලංඝනය කරනවා. ඒ කියන්නේ ඔහු ඉල්ලා සිටිනවා ඉන්දියානු ණය යෝජනා ක්‍රමයේ ලැබෙන අරමුදල් සහ නැතිනම් වෙනත් ක්‍රමයක් භාවිතා කරමින් මේ සමාගමට ඖෂධ 38ක් ගෙන ඒම සඳහා අවසර ලබා දෙන්න කියලා. පසුගිය අවුරුද්දේ නොවැම්බර් 30 වනදා එවකට වෛද්‍ය සැපයුම් ඒකකයේ අධ්‍යක්ෂ එස්. ඒ.ටී. සුදර්ශන ඖෂධ නියාමන අධිකාරියේ විධායක අධ්‍යක්ෂ විජිත් ගුණසේකරට ලිපියක් ලියනවා මේ සමාගම සඳහා අදාළ ඖෂධ 38 නිදහස් කර ගැනීමට අවශ්‍ය ලියාපදිංචිය අත්හැරීමේ සහතිකය ලබාදෙන්න කියලා. දැන් කෙහෙළිය රඹුක්වැල්ල අමාත්‍යවරයාට මතක් කරලා දෙන්න කැමති මේ ප්‍රශ්නගත ඉමියුනෝග්ලොබියුලින් පිලිකා ඖෂධ ගනුදෙනුවේ දී මේ සමාගම්වලින් ඖෂධ ගෙන්වීමට මේ ඉදිරිපත් කරන කැබිනට් පත්‍රකාවට අනුමැතිය ලබා නොදුන්න බව ඔබට මතකදැයි මම අහනවා”

The post කෙහෙළියගේ සමයේ සිදු වූ ඖෂධ වංචාවක් ගැන තවත් හෙළිදරව්වක් මෙන්න appeared first on ColomboXnews.