කුළුබඩුවක් ලෙස සහ ඖෂධයක් ලෙසද භාවිත කරන සාදික්කා ප්‍රමාණය ඉක්මවා ලබා ගැනීම ශරීරයට අහිතකර බව වෛද්‍යවරුන් පවසයි.
එමෙන්ම ඒ පිළිබඳව පරීක්ෂණ පැවැත්වූ වෛද්‍යවරුන්ගේ තොරතුරුවලට අනුව විදෙස් මාධ්‍ය කිහිපයක් වාර්තා කර තිබුණේ සාදික්කා ප්‍රමාණය ඉක්මවා භාවිත කිරීමෙන් ස්නායු පද්ධතියට හානි විය හැකි බවය.
එමෙන්ම මානසික සෞඛ්‍යයටද එය අහිතකර වේ.
මිරිස්ටිසින් වන රසායනික ද්‍රව්‍යය සාදික්කාවල අඩංගු වන අතර, එය ඉන්ද්‍රියන් අකර්මන්‍ය කිරීමට හේතුවක් වන බව එම වෛද්‍යවරුන් පවසයි.
ඒ අනුව සාදික්කා ග්‍රෑම් 10 කට වඩා භාවිත කිරීම ශරීරයට අහිතකර වේ.
ඔක්කාරය, ක්ලාන්තය වැනි රෝග ලක්ෂණ ඇතිවිය හැකි අතර, මධ්‍යම ස්නායු පද්ධතියටද මින් හානි විය හැකිය.
අවශ්‍ය ප්‍රමාණයට එය භාවිත කළහොත් කිසිදු ගැටළුවක් නොවන බවද වෛද්‍යවරුන් පෙන්වා දෙයි.
කොරෝනා වෛරසයට ප්‍රතිකාර කළ හැකි බවට පවසමින් නිෂ්පාදනය කරන ඇතැම් ඖෂධවල සාදික්කා පවතින බවට වාර්තා වේ.
කොරෝනා වෛරසය මර්දනය කළ හැකි ඖෂධයක් නිෂ්පාදනය කළ බවට පැවසූ කෑගල්ලේ ධම්මික බණ්ඩාර නැමැත්තාද ඔහු නිෂ්පාදනය කළ ඖෂධයට සාදික්කා භාවිත කරයි.
අදාළ ඖෂධයෙන් කොරෝනා ආසාදිත රෝගීන් සුවවන බවට මෙතෙක් තහවුරු වී නොමැති අතර, බොහෝ පිරිස් එම ඖෂධය භාවිත කිරීමට පියවර ගෙන තිබේ.
මෙය ඖෂධයක් ලෙස තවමත් රජය විසින් ප්‍රකාශයට පත් කර නොමැති බවද රාජ්‍ය අමාත්‍ය ආචාර්ය නාලක ගොඩහේවා මහතා ඊයේ ප්‍රකාශ කළේය.
එමෙන්ම රජයේ වෛද්‍ය නිලධාරීන්ගේ සංගමය ඇතුලු බොහෝ වෛද්‍යවරුන් තවදුරටත් ප්‍රකාශ කර සිටින්නේ කෑගල්ලේ ධම්මික බණ්ඩාර නැමැත්තා මෙන්ම තවත් බොහෝ පිරිසක් නිෂ්පාදනය කළ ඖෂධ මගින් කොරෝනා සුවවන බවට මෙතෙක් විද්‍යාත්මකව තහවුරු නොවන බවයි.
එවැනි බොහෝ ඖෂධ ලියාපදිංචි කිරීම සඳහා ආයුර්වේද දෙපාර්තමේන්තුවට යොමුකර ඇති නමුත් තවමත් එම දෙපාර්තමේන්තුව මගින් ඒවා ලියාපදිංචි කර නැත.
මේ අතර, කෑගල්ලේ ධම්මික බණ්ඩාර නැමැත්තාගේ ඖෂධය සම්බන්ධයෙන් සොයාබැලීමට සෞඛ්‍ය අමාත්‍යාංශය විසින් කමිටුවක්ද පසුගියදා පත් කළ අතර එහි වාර්තාව කඩිනමින් ලබාදීමට හැකි බවයි ඖෂධ නිෂ්පාදන සැපයුම් සහ නියාමන රාජ්‍ය අමාත්‍ය මහාචාර්ය චන්න ජයසුමන අනුරාධපුරයේදී ඊයේ මාධ්‍ය වෙත අදහස් දක්වමින් කියා සිටියේය.
The post කෑගල්ලේ පැණියේ අඩංගු සාදික්කා වැඩියෙන් ගත්තොත් මොලේ අප්සට් වෙන්නත් පුළුවන් – ස්නායු අඩපණ වෙන්නත් පුළුවන් (VIDEO) appeared first on ColomboXnews.
Source From Colomboxnews
Author: Kamal Dhammika
#SriLanka #News #lka