ජාතික ජන බලවේගයේ කොළඹ දිස්තික් සංවිධායකයෙකු මෙන්ම පසුගිය මහ මැතිවරණයේ අපේක්ෂකයෙකුද වන මාධ්‍යවේදී විමල් කැටිපෙආරච්චි මහතාගේ ඡායාරූපයක් යොදාගනිමින් සමාජජාල තුල සංසරණය වන අසභ්‍ය වීඩියෝවක් හා සම්බන්ද කරමින් ඔහු ඉලක්කර එල්ලකරන ලද අවලාදාත්මක ප්‍රවෘත්තියකට එරෙහිව අද (04) දින අපරාධ පරීක්ෂණ දෙපාර්තමේන්තුවට පැමිණිල්ලක් සිදුකර තිබේ.
මේ පිලිබද සිය පේස්බුක් පිටුව ඔස්සේ කරුණු හෙලිදරව් කරමින් විමල් කැටිපෙආරච්චි විසින් විශේෂ සටහනක් තබා තිබේ. මෙම නීති විරෝධී හා අපහාසාත්මක ක්‍රියාව සම්බන්ධයෙන් සාධාරණ පරීක්ෂණයක් සිදු කර තමාගේ පුරවැසි අයිතිය ආරක්ෂා කරදෙන මෙන් විමල් කැටිපෙආරච්චි මහතා මෙම පැමිණිල්ල මගින් ඉල්ලා සිටී.
මව්බිම නමැති වෙබ් අඩවියක් මගින් ජනවාරි 03 වැනිදා ‘සමාජ මාධ්‍ය තුල සංසරණය වන අසභ්‍ය වීඩියෝ පටයට අදාල රථයේ හිමිකරු හඳුනා ගැනේ’ යන මාතෘකාව යටතේ මුලින්ම මෙම පුවත පලකර තිබෙන අතර ඉන් අනතුරුව විමල් වීරවංශට අයත් වෙබ් අඩවියක සහ ඉරාජ් වීරරත්නයට අයත් වෙබ් අඩවියකද එම ප්‍රවෘත්තියම පලකර තිබේ.
මෙම අවලාදය මුලින්ම පලකල වෙබ් අඩවියේ අයිතිකරුවා වන්නේ ප්‍රනීත් කරුණාරත්න නැමැති අයෙකි. මොහු පසුගිය ජනාධිපතිවරණයේදී මෙන්ම මහ මැතිවරණයේදීද පොහොට්ටුවේ ජයග්‍රහණය වෙනුවෙන් සමාජජාල තුල ප්‍රතිවිරුද්ධ පාර්ශ්‍යවයන්ට විවිධ මඩ හා අවලාද නගමින් විශාල වැඩ කොටසක් කල අයෙකි.
මෙම ප්‍රනීත් කරුණාරත්න නෙත් එෆ්එම් රේඩියෝවේ සහ හිරු රූපවාහිනී නාලිකාවේ මීට පෙර සේවය කර තිබේ. මේ වනවිට පැණියා (paniya) නමින් ෆේස්බුක් පිටුවක් පවත්වාගෙන යනු ලබන මොහු රාජපක්ෂ කදවුරේ මඩබලකායේ ප්‍රධාන චරිතයකි. මෙම ප්‍රනීත් කරුණාරත්න නැමැති පුද්ගලයා ඉරාජ් වීරරත්න, මිලින්ද රාජපක්ෂ, විමල් වීරවංශ යන අය ඉතා සමීපව ඇසුරු කරනු ලබයි.
අද දින විමල් කැටිපෙආරච්චි මහතා විසින් මොහු පිලිබද සියලු තොරතුරු අපරාධ පරීක්ෂණ දෙපාර්තමේන්තුවට හා පරිඝණක අපරාධ අංශයට ලබාදී තිබෙන බවද වාර්තාවේ.
කෙසේ වෙතත් මීට පෙරද මෙලෙසම ආණ්ඩුවට හිතවත් පාර්ශ්‍යව වෙතින් විවිධ පුද්ගලයින් අලලා එල්ලකරන ලද ද්වේශසහගත හා අසත්‍ය ප්‍රවෘත්ති හා විවිධ පලකිරීම් සම්බන්දයෙන් අවස්ථා ගණනාවකදී පැමිණි ඉදිරිපත් කලද මේ දක්වා ඒ පිලිබදව කිසිදු විමර්ශණයක් සිදුවී නොමැති බවද වාර්තාවේ.
මව්බිම නැමැති මඩ හා අසත්‍ය පුවත් පලකරන වෙබ් අඩවියේ හිමිකරු ප්‍රනීත් කරුණාරත්නගේ විස්තර මෙන්න..
විමල් කැටිපෙආරච්චිගේ ෆේස්බුස් සටහන -: වෙබ් අඩවියකින් කරන ලද අපහාසයක් සම්බන්ධයෙන්.
The post කැටිපෙට මඩගැසු පැනියාගේ පැටිකිරිය හෙළිවෙයි.. සියලු තොරතුරු සහිතව කැටිපෙගෙන් CIDයට පැමිණිල්ලක් appeared first on ColomboXnews.
Source From Colomboxnews
Author: Kamal Dhammika
#SriLanka #News #lka