කාබනික පොහොරත් නෑ.. රසායනික පොහොරත් නෑ.. කන්න නැති සාගත යුගයක් එනවාමයි – කේ.ඩී ලාල්කාන්ත (වීඩියෝ)

වත්මන් ආණ්ඩුව විසින් මේ වනවිට ක්‍රීයාත්මක කරන ප්‍රතිපත්ති හේතුවෙන් ඉදිරියේදී සාගතයත් ඇතිවීම අනිවාර්ය බව ජාතික වෘත්තීය සමිති සම්මේලනයේ කැදවුම්කරු කේ.ඩී ලාල්කාන්ත මහතා බවසයි.

පොහොර ආනයනය තහනම් කිරීම තුල රටතුල වගාවට අවශ්‍ය කාබනික හෝ රසායනික පොහොර නොමැති තත්ත්වයක් උද්ගතවී ඇති බවත් මහ කන්නය ආරම්භවී ඇතැත් ගොවීන්ට පොහොර නොමැතිවීම තුල ඉදිරියේදී ආහාර හිඟයක් රට තුල නිර්මාණයවී සාගත තත්ත්වයක් නිර්මාණයවීමේ අණතුරක් ඇති බවද ඔහු පවසයි.

මීට අමතරව භාණ්ඩ ආනයනය සිමාකිරීම තුලද රටතුල භාණ්ඩ හිගයක් නිර්මාණයවී ඇතැම් භාණ්ඩ වල මිල සීග්‍රෙයන් ඉහලගොස් ඇති බවද ඔහු පවසයි.

මෙම අර්බුදය තුල සමහර පුද්ගලයින් සිරිමා බණ්ඩාරනායක යුගයක් ගැනත් තවත් සමහරු පෙරළුනු පිට හොදයි කියා දේශීය ආර්ථිකයක් පිලිබදවද කතා කරන බව ලාල්කාන්ත මහතා පවසයි.

මෙහිදී ණයගැනීම් සහ කළු සල්ලි සුදු කිරීම් පිලිබදවද එහු අදහස් දක්වන ලදි. මේ යන ගමන වෙනස් කිරීම සදහා රට තුල සමාජ ආර්ථික ක්‍රමයේ දේශපාලන පරිවර්තනයක් අවශ්‍ය බවද ලාල්කාන්ත මහතා අවදාරනය කරයි.

The post කාබනික පොහොරත් නෑ.. රසායනික පොහොරත් නෑ.. කන්න නැති සාගත යුගයක් එනවාමයි – කේ.ඩී ලාල්කාන්ත (වීඩියෝ) appeared first on ColomboXnews.