කුරුණෑගල, වැහැර ප්‍රදේශයේ අතුරු මාර්ගයේ කාණුවකට ඇද වැටී සිර වී සිටි 14 හැවිරිදි පාසල් සිසුවෙකු මිය ගොස් තිබේ.
අද (සැප්. 5) දහවල් 2.00ට පමණ පාසල නිමා වී අතුරු මාර්ගය ඔස්සේ සිය නිවසට යමින් සිටි මෙම සිසුවා මාර්ගයේ පටු ස්ථානයකදී එම මාර්ගයේ පැමිණි වාහනයකට ඉඩ දීම සඳහා කාණුවේ ගැට්ට මතට ගොඩවන විට ඔහුගේ පය ලිස්සා ඒ තුළට ඇද වැටී ඇති බව වාර්තාකරු ප්‍රකාශ කළේ ය.
කුරුණෑගල මහ නගර සභාවේ සේවකයින්, ප්‍රදේශවාසීන් සහ පොලිසිය එක්ව මහත් පරිශ්‍රමයක් දරා එම පාසල් සිසුවා ගොඩට ගෙන තිබේ.
අප වාර්තාකරු සඳහන් කළේ, බැකෝ යන්ත්‍රයක් යොදා ගනිමින් කාණුවේ කොන්ක්‍රීට් තට්ටු ඉවත් කර සිසුවා ගොඩ ගෙන ඇති අතර එම අවස්ථාවේදී ඔහු බරපතළ තත්ත්වයේ සිටි බව ය.
මුදා ගැනීමෙන් පසුව ඔහු කුරුණෑගල ශික්ෂණ රෝහලට ඇතුළත් කිරීමට කටයුතු කර ඇති අතර එහිදී ඔහු ජීවිතක්ෂයට පත් වී ඇත.
අයහපත් කාලගුණය හේතුවෙන් එම කාණුව ජලයෙන් පිරී ගොස් තිබුණු බව අප වාර්තාකරු වැඩිදුරට ත් පැවසීය.
The post කාණුවක වැටී සිර වී සිටි කුරුණෑගල පාසල් සිසුවා මරුට (VIDEO) appeared first on ColomboXnews.
Source From Colomboxnews
Author: Kamal Dhammika
#SriLanka #News #lka