කර්මාන්ත ශාලාවක් විවෘත කිරීමට ගිය ඇමති ජනතා විරෝධය මැද යතුරු පැදියක නැගී පලා යයි (වීඩියෝ)

කිලිනොච්චියේ, පොන්නාවේලියේ සිමෙන්ති කම්හලක් විවෘත කිරීමට ගිය ධීවර අමාත්‍ය ඩග්ලස් දේවානන්දා මහතාට ජනතා විරෝධයක් එල්ල වුණා.

එල්ල වූ දැඩි ජනතා විරෝධය හේතුවෙන් ඔහු යතුරු පැදියක නැග පළා ගොස් තිබෙනවා.

කිලිනොච්චි – පූනගරි ප්‍රාදේශීය ලේකම් කොට්ඨාසයට අයත් පොන්නාවේලිහි ඉදිකෙරෙන සිමෙන්ති කර්මාන්ත ශාලාව සඳහා හුණුගල් ගැනීමට ප්‍රදේශවාසීන්ගේ දැඩි විරෝධයක් එල්ල වෙමින් තිබුණා.

එවැනි පසුබිමක අමාත්‍යවරයා අදාළ කර්මාන්ත ශාලාව විවෘත කිරීමට ගොස් ඇති අතර ඊට එරෙහි ජනතාව විසින් විරෝධය දක්වා තිබෙනවා.

එහි දී විරෝධතාකරුවන් සහ අමාත්‍යවරයා අතර බහින් බස්වීමක් සිදුව ඇති අතර ඇති වූ නොසන්සුන්තාවය පොලිසිය විසින් පාලනය කර තිබෙනවා.

ප්‍රදේශවාසීන්ගේ අඛණ්ඩ විරෝධය හමුවේ සිමෙන්ති කර්මාන්ත ශාලාව විවෘත කිරීමේ උත්සවය අත්හැර දැමීමට සිදු වූ බවයි වැඩිදුරටත් වාර්තා වන්නේ.

The post කර්මාන්ත ශාලාවක් විවෘත කිරීමට ගිය ඇමති ජනතා විරෝධය මැද යතුරු පැදියක නැගී පලා යයි (වීඩියෝ) appeared first on ColomboXnews.