ඖෂධ නියාමන අධිකාරියට වග කියන්න වුන බාල බෙහෙත්වලට සහ ඖෂධ හිඟයට හේතුව විශේෂඥ වෛද්‍ය ආනන්ද විජේවික්‍රම හෙළි කරයි

පසුගිය මාස ගණනාවක සිට ජාතික ඖෂධ  නියාමන අධිකාරියේ තාක්ෂණික කමිටුවට  ඖෂධවේදය පිලිබඳ  මහාචාර්යවරයෙක්  පත් කර නොමැති බැවින් ඖෂධ පිලිබඳව ගන්නා තීරණයන් නිවැරදි නොවීමට හේතුවක් යැයි කායික රෝග විශේෂඥ වෛද්‍ය ආනන්ද විජේවික්‍රම   සඳහන් කළේය

වෛද්‍ය ආනන්ද විජේවික්‍රම මහතා මේ අදහස් පළ කළේ ශ්‍රී ලංකා වෛද්‍ය සභා සංගම් ශාලාවේ  අද (28) පැවති ප්‍රවෘත්ති සාකච්ඡාවකදීය.

මෙහිදී තවදුරටත් අදහස් දැක්වූ  විශේෂඥ වෛද්‍ය ආනන්ද විජේවික්‍රම පෙන්වා දුන්නේ  පසුගිය සතියේදී ඖෂධ නියාමන අධිකාරියේ  සේවය කළ ජ්‍යෙෂ්ඨ  ඖෂධවේදීන් 23 ක්ම සෞඛ්‍ය අමාත්‍යංශයට මාරුකර කිරීම  හේතුවෙන් ඖෂධ නියාමනය තවත් අඩාල වූ බවය.

ඖෂධය නිසිලෙස නියාමනයක් නොමැති වූ විට රෝගියා සහ වෛද්‍යවරයා පරපතල ව්‍යාකූලත්වයකට පත්වෙන බවද ඔහු අවධාරණය කළේය.

රටතුළ ඖෂධ හිඟයක් පවතින බව සඳහන් කරමින් හදිසි මිලදී ගැනිම් ලෙස මෙරට ලියාාපදිංචි නොමැති ඖෂධ ගෙන්වීමට කටයුතු කළ බවත් එසේ හදිසි මිලදී ගැනීමක් කරන්නේ  නම් ඒ සඳහා ඖෂධ ගෙන්වීමේ විධිවිධාන පනතේ නව රෙගුලාසි සකස් කර තිබෙන බවත් විශේෂඥවරයා පෙන්වා දුන්නේය.

රටතුළ ඖෂධ හිඟයක් ඇතිවන බව පසුගිය වසරේ පෙබරවාරි සහ අප්‍රේල් මාසවල  සිට ශ්‍රී ලංකා වෛද්‍ය සභාව සඳහන් කළ අතර එයට පිළිතුරක් ලෙස සෞඛ්‍ය අමාත්‍යංශය සඳහන් කළේ ලෝක බැංකුව, ඉන්දීය ණය යෝජනාක්‍රමය හා ආසියානු සංවර්ධන බැංකුව මගින් ලැබෙන ණය මුදල්  2023 වසරට අවශ්‍යය  සියලුම ඖෂධ ගෙන්වීමට හැකි බවයැයිද මේ වසරේ මාස 6ක් ගත ව ඇති නමුත් තවමත් ඖෂධ හිඟය රටපුරා රෝහල්වල පවතින බවද වෛද්‍ය විජේවික්‍රම හෙළි කළේය.

The post ඖෂධ නියාමන අධිකාරියට වග කියන්න වුන බාල බෙහෙත්වලට සහ ඖෂධ හිඟයට හේතුව විශේෂඥ වෛද්‍ය ආනන්ද විජේවික්‍රම හෙළි කරයි appeared first on ColomboXnews.