කොරෝනා එන්නත් මුල් කාලයේදී ලබාගත් ලක්ෂ තුනකට වැඩි පිරිසකගෙන් සෞඛ්‍ය අංශ ලබාගත් දත්තවල ලොකු ගැටලු සහ අඩුපාඩු පවතින බව කොවිඩ් 19 පැතිරීම වැළැක්වීමේ ජාතික ක්‍රියාන්විත මධ්‍යස්ථානයේ ප්‍රධානී යුද හමුදාපති ජෙනරාල් ශවේන්ද්‍ර සිල්වා මහතා පවසයි.
සමහර දත්තවල අඩුපාඩු මෙන්ම අපැහැදිලි තැන් පවතින බවද ශවේන්ද්‍ර සිල්වා මහතා අනාවරණය කළේය
කොවිඩ් මර්දන එන්නත ලබා ගත් ලක්ෂ තුනකට වැඩි පිරිසකගේ එම දත්ත සෞඛ්‍ය අංශ ලබා දිය යුතු බවත් මේ තත්වය යටතේ එන්නත්කරණ දත්ත එකතු කිරීමට ගුවන් හමුදා සාමාජිකයන් යොදවා ඇති බවත් යුද හමුදාපතිවරයා ප්‍රකාශ කළේය.
මේ දත්ත ගැටලුව පවතින්නේ පළමුවෙන් ලබාදුන් එන්නත් මිලියනයට අදාළව යැයි පැවසූ ක්‍රියාන්විත මධ්‍යස්ථාන ප්‍රධානියා එම දත්ත ප්‍රමාණය පළමුවෙන් නිරවුල් කරගත යුතුව තිබෙන බවද පැවැසුවේය.
මේ සම්බන්ධයෙන් වැඩිදුරටත් අදහස් දැක්වූ යුද හමුදාපති ජෙනරාල් ශවේන්ද්‍ර සිල්වා මහතා මෙසේද කීය.
“යුද හමුදාව පළවෙනි දවසේ ඉඳලම දත්ත පරිගණක ගත කරලා එකතු කරගත්තා. නමුත් සෞඛ්‍ය අංශවල අපි දැක්කා පොත්පත්වල ලියාගෙන යන ක්‍රමවේදයක් . ඒ හින්දා ගුවන් හමුදාව ඒ මුල්ම එන්නත්කරණ දත්ත එකතු කරන්න අපි යෙදෙව්වා. විවිධ තැන්වලදි ගුවන් හමුදාවට ප්‍රශ්න ආවා. ඒ විස්තර දුන්නැති තැන් තිබුණා. කවුද ගන්න කිව්වේ කියලා අහලා තිබුණා. දත්ත දෙන්න බෑ කියලා තිබුණා. “
“මේ වනවිටත් ලක්ෂ 3ක විතර දත්ත ප්‍රමාණයක් ඇතුළත් කරන්න තියෙනවා. සෞඛ්‍ය අංශවලින් තමයි ඒ ටික එන්න තියෙන්නේ. පළවෙනි එන්නත් මිලියනයේ තමයි ඔය ගැටලුව තියෙන්නේ. සමහර දත්තවල අඩුපාඩු තියෙනවා. අපහැදිලි තැන් තියෙනවා. දැන් ඉස්සරහට ඇස්ට්‍රාසෙනෙකා දෙවන මාත්‍රාව පන් ලක්ෂ හැට හය දහසකට විතර දෙන්න තියෙනවා”
මේ අනුව තව දුරටත් තහවුරු වන්නේ මෙරට එන්නත්කරණ වැඩපිලිවෙල මුල සිටම අවුල් ජාලාවක් බවට පත්ව ඇති බවයි. කිසිදු විදිමත් වැඩපිලිවෙලක් නැතුව වරින් වර ගන්නා තීන්දු තීරණ අනුව මෙරට එන්නත්කරන වැඩපිලිවෙල බරපතල ලෙස ආරාජික තත්ත්වයකට පත්ව ඇති බව මේ හරහා කවදුරටත් තහවුරුවේ.
The post එන්නත්කරණයේදී සෞඛ්‍ය අංශ සහ හමුදාව අතර ගැටුමක්..! එන්නත ලබාගත් ලක්ෂ තුනක තොරතුරු නෑ – ශවේන්ද්‍ර සිල්වා කියයි. appeared first on ColomboXnews.
Source From Colomboxnews
Author: Kamal Dhammika
#SriLanka #News #lka