පසුගිය දිනවල කොළඹ පැවති උද්ඝෝෂණවලට කල් ඉකුත් වූ කඳුළු ගෑස් උණ්ඩ සහ සී.එස්. ගෑස් යොදාගෙන ජනතාවගේ මූලික අයිතීන්ට බරපතළ හානියක් කර තිබෙන බව වාර්තා වේ.
වසර පහක කාලයක් සඳහා වලංගු වන ලෙස කඳුළු ගෑස් උණ්ඩ නිෂ්පාදනය කරන බව ත් මෙවර උද්ඝෝෂණ සඳහා 2009 වසරේ නිපද වූ කඳුළු ගෑස් උණ්ඩ යොදා ගෙන තිබෙන බවද වාර්තාවේ.
උද්ඝෝෂණවලට සම්බන්ධ වූ සිවිල් සංවිධාන සාමාජිකයන්, වෘත්තීය සමිති නායකයන්, විවිධ ක්‍ෂේත්‍ර නියෝජනය කරන බොහෝ දෙනකුට උණ, වමනය, ඇඟපත වේදනාව ඇතුළු විවිධ අසාත්මිකතා ඇතිවී තිබේ. මේ හේතුවෙන් බොහෝ දෙනෙකු වෛද්‍ය ප්‍රතිකාර ලබා ගනිමින් සිටින බවට තොරතුරු වාර්තාවේ.
ජනාධිපති ලේකම් කාර්යාලය, ජනාධිපති මන්දිරය, අරලිය ගහ මන්දිරය, අග්‍රාමාත්‍ය කාර්යාලය, රනිල් වික්‍රමසිංහගේ පෞද්ගලික නිවස, ගාලු මුව‍ෙදාර ආදී ස්ථානවල පැවති උද්ඝෝෂණවලට මෙම කඳුළු ගෑස් හා සී.එස්. ගෑස් එල්ල කර තිබේ.
කඳුළු ගෑස් උණ්ඩවල නිෂ්පාදකයන් කවුරුන් ද, ඒවා ලබාගත් කාලවකවානු කවරේ ද, කොපමණ ප්‍රමාණයක් මිල දී ගෙන තිබේ ද, පසුගිය උද්ඝෝෂණවලට කොපමණ ප්‍රමාණයක් යොදාගත්තේ ද, දැනට ඉතිරිව ඇති ප්‍රමාණය කොපමණ ද, ඒවායේ ප්‍රමිතිය කෙසේ ද ආදී වශයෙන් සියලු තොරතුරු ලබා ගැනීමට මේ වනවිටත් සිවිල් සංවිධාන කටයුතු කරමින් සිටී.
The post උද්ඝෝෂණ වලට කල් ඉකුත් වූ කඳුළු ගෑස් හා CS ගෑස් ගහලා appeared first on ColomboXnews.
Source From Colomboxnews
Author: Kamal Dhammika
#SriLanka #News #lka