රිෂාඩ් බදියුඩීන් මහතාගේ නිවසේ මෙහෙකාර සේවයේ යොදවා සිටි බාල වයස්කාර දැරිය අබිරහස් අන්දමින් පිලිස්සී මිය යෑමේ සිද්ධිය හෙළිදරව් වීමත් සමග ඔහු රැකීමට කටයුතු කරන යම් පිරිසක් මෙම රජය තුළ සිටිනවා මතය තමන් බැහැර නොකරන බව බලශක්ති අමාත්‍ය උදය ගම්මන්පිල මහතා ප්‍රකාශ කරයි. තමන් ඇතුළු පිරිසක් ඊට එකග නැති බවද ඔහු ප්‍රකාශ කර සිටියේය. ඒ මහතා මේ බව සඳහන් කර සිටියේ හිරු ටීවී සලකුණ දේශපාලන වැඩසටහනට එක් වෙමිනි.
එදා සිටම රිෂාඩ් බදියුඩීන් මන්ත්‍රිවරයා රජයට සම්බන්ධ කර නොගන්නා ලෙස තමන් සහ විමල් වීරවංශ අමාත්‍යවරයා රජයට දැඩි පීඩනයක් එල්ල කළ අතර අදටත් එය එලෙසම පවතින බව උදය ගම්මන්පිල මහතා ප්‍රකාශ කර සිටියේය.
තමන්ට එරෙහි විශ්වාස භංගයේ දී ඊට එරෙහිව ඡන්දය භාවිත කරන්න යැයි කිසිදු විටෙක රිෂාඩ් බදියුඩීන් මහතාගේ පක්ෂය නියෝජනය කරන මන්ත්‍රිවරුන් ගෙන් තමන් ඉල්ලා නොසිටි බවත් නමුත් බැසිල් රාජපක්ෂ මහතා එසේ මැදිහත්වුවාද යන්න පිලිබදව ඔහුගෙන් විමසිය යුතු බවද බලශක්ති අමාත්‍යවරයා මෙහිදී අවධාරණය කර සිටියේය.
රිෂාඩ් බදියුඩීන් මන්ත්‍රිවරයා විපක්ෂයේ සිට කටයුතු කරද්දී ඔහුගේ මන්ත්‍රිවරු සියළුදෙනා 20 වන ආණ්ඩුක්‍රම ව්‍යවස්ථා සංශෝධනයේ සිටම රජයට පක්ෂව ඡන්දය පාවිච්චි කර ඇති බව ඒ මහතා මෙහිදී පිලිගන්නා ලදි.
මේ අතර රිෂාඩ් බදියුඩීන් මහතාගේ නිවසේ මෙහෙකාර සේවයේ යොදවා සිටි බාල වයස්කාර දැරිය අබිරහස් අන්දමින් පිලිස්සී මිය යෑමේ සිද්ධියේදී පොලිසියේ ක්‍රියාකාරීත්වය සහ අදාල පරීක්ෂන සම්බන්දයෙන් ආණ්ඩුවට බරපතල විවේචනයක් මේ වනවිට සමාජයෙන් එල්ලවෙමින් තිබේ. විශේෂයෙන් ජනතා විමුක්ති පෙරමුණ මෙහිදි සෘජුවම ආණ්ඩුවට චෝදනා එල්ල කරයි.
හිරු ටීවී සලකුණ සම්පූර්ණ වැඩසටහන මෙතැනින්
පෙර පුවත් – ඉෂාලිනිගේ අපරාධකරුවන් ආරක්ෂා කරන්නේ කවුද? ජවිපෙ හිටපු මන්ත්‍රී නලින්ද ප්‍රශ්ණ කරයි (වීඩියෝ)
ඉෂාලිනීගේ දූෂකයා කවුද? පොලිසීය රිෂාඩ්ගේ කේස් එක යට ගහයිද?
බදියුදීන්ගේ නිවසේ මියගිය ඉෂාලිනීගේ මළසිරුර යළි ගොඩගනී – මරණ පරීක්ෂණය නැවතත්
බදියුදීන්ගේ නිවසේදී දැරියක් මියයෑමේ සිද්ධිය ගැන පොලීසියෙන් නිවේදනයක්
The post ඉෂාලිනීගේ මරණයේදී බදුර්දීන් ආරක්ෂාකරන පිරිසක් ආණ්ඩුව ඇතුලෙම ඉන්නවා – ගම්මන්පිල (වීඩියෝ) appeared first on ColomboXnews.
Source From Colomboxnews
Author: Kamal Dhammika
#SriLanka #News #lka