ඉන්දියාව තෙල් ටැංකි ආපහු දෙන්න පොරොන්දු වෙලා නෑ.. ගම්මන්පිල කියන්නෙ බොරු

ගිවිසුමක් මගින් ඉන්දියන් ඔයිල් සමාගමට පවර‍ා තිබෙන, ත්‍රිකුණාමලයේ පිහිටි තෙල් ටැංකි සංකීර්ණය නැවත ශ්‍රී ලංකාව ලබාදීමට කිසිදු එකඟතාවයක් සිදුව නොමැති බව ඉන්දීය රජය පවසනවා. ඒ සම්බන්ධයෙන් මේ වනවිට සාකච්ඡා කරමින් සිටින නමුත් ශ්‍රී ලංකාවට නැවත පවරාදීම සම්බන්දයෙන් කිසිදු තීරණයක් ගෙන නැති බව ඉන්දියාව වැඩිදුරටත් පවසයි.

බලශක්ති අමාත, සම කැබිනට් ප්‍රකාශක උදය ගම්මන්පිල මහතා පසුගියදා පැවති කැබිනට් තීරණ දැනුම්දීමේ මාධ්‍ය හමුවේදී සඳහන් කළේ අදාල තෙල් ටැංකි සංකීර්ණය නුදුරේදීම ශ්‍රී ලංකාවට ලැබෙන බවයි. ඒ අනුව එම තෙල් ටැංකි භාවිතා කරමින් ත්‍රිකුණාමලය ආසන්න මුහුදේ ගමන් කරන නෞකාවලට ඉන්ධන සැපයීමටද ශ්‍රී ලංකාවට අවස්ථාව හිමිවන බව අමාත්‍යවරයා සඳහන් කළේය.

2003 වසරේදී එවකට පැවති එජාප රජය විසින් ගිවිසුමක් මගින් මෙම තෙල් ටැංකි සංකීර්ණය ඉන්දියන් ඔයිල් සමාගමට ලබාදීමට කටයුතු කළේය. 2015 වසරේදී නැවත එය පවරා ගැනීමට උත්සාහ කළ නමුත් එම උත්සාහය සාර්ථක නොවීය.

The post ඉන්දියාව තෙල් ටැංකි ආපහු දෙන්න පොරොන්දු වෙලා නෑ.. ගම්මන්පිල කියන්නෙ බොරු appeared first on ColomboXnews.