ශ්‍රී ලංකාව විසින් ඉන්දියාවේ සීරම් ආයතනය නිෂ්පාදනය කරන ඔක්ස්ෆර්ඩ් ඇස්ට්‍රාසෙනෙකා එන්නත් මාත්‍රා මිලියන 1.5 ක් ඇණවුම් කර තිබෙන අතර එහි පළමු එන්නත් මාත්‍රා තොගය ලෙස මාත්‍රා ලක්ෂ 05 ක් පෙබරවාරි අවසන් සතියේදී මෙරටට රැගෙන විත් තිබේ.
ඉතිරි මාත්‍රා මිලියනය මාර්තු-අප්‍රේල් මාසවලදී ලබාදීමට සීරම් ආයතනය එකඟතාවය පළකර තිබූ අතර ඊට අදාල අත්තිකාරම් මුදල්ද ගෙවා තිබෙනවා. කෙසේ නමුත් සීරම් ආයතනයේ බළධාරීන් රාජ්‍ය ඖෂධ නීතිගත සංස්ථාව වෙත දැනුම් දී තිබෙන්නේ ඉතිරි එන්නත් මාත්‍රා තොගය ලබාදීමේ නොහැකියාවක් පවතින බවයි. එන්නත් නිෂ්පාදන සැළසුම්වලට බාධා ඇති බවත්, විශේෂයෙන් මාස කිහිපයකට ඉහතදී සීරම් ආයතනයට අයත් කර්මාන්ත ශාලාවක ඇති වූ ගින්න හේතුවෙන් එන්නත් නිෂ්පාදනයේ බලාපොරොත්තු වූ ඉලක්ක සපුරාගත නොහැකි වී ඇති බවත් ඔවුන් නිදහසට කරුනු ලෙස සඳහන් කර තිබෙනවා.
අදාල එන්නත් තොගය ලබාදිය හැකිද යන්න පිළිබඳව නිශ්චිතව දැනුම් දිය හැක්කේ අප්‍රේල් මාසයේ මැදභාගයේදී බවද සීරම් බළධාරීන් පවසනවා. විකල්පයක් වශයෙන් එකඟ වී ඇති ගිවිසුම අවලංගු කිරීම හෝ අත්තිකාරම් මුදල් ආපසු ගෙවීම හෝ සිදුකළ හැකි බවද ඔවුන් පවසා තිබේ.
මේ සම්බන්ධයෙන් සීරම් ආයතනයේ බළධාරීන් හා කොරෝනා මර්ධන එන්නත් කාර්ය සාධක බලකායේ ප්‍රධානී, ලලිත් වීරතුංග මහතා අතර අන්තර්ජාලය හරහා සාකච්ඡාවක් පවත්වා තිබෙන බවද වාර්තා වේ.
සීරම් ආයතනය නිෂ්පාදනය කරන ඔක්ස්ෆර්ඩ් ඇස්ට්‍රාසෙනෙකා එන්නත් මාත්‍රා මිලියන 10 ක් පමණ ඇණවුම් කිරීමට මෙරට බළධාරීන් තීරණය කර තිබෙනවා. කෙසේ නමුත් මතුව ඇති අර්බුදකාරී තත්වය හමුවේ වෙනත් රටක නිෂ්පාදනය කරන ඔස්ක්ෆර්ඩ් එන්නත් හෝ එසේ නැතහොත් වෙනත් එන්නතක් පිළිබඳව අවධානය යොමු කිරීමට සිදුව තිබේ.
The post ඉන්දියාව ඇණවුම් කළ එන්නත් මාත්‍රා මිලියනයක් දෙන්න බෑ කියයි appeared first on ColomboXnews.
Source From Colomboxnews
Author: Kamal Dhammika
#SriLanka #News #lka