ඉන්දියාවෙන් නීති විරෝධීව ඖෂධ ගේන්න ගිය සෞඛ්‍ය අමාත්‍යංශයේ වෑයම ශ්‍රේෂ්ඨාධිකරණයෙන් අත්හිටුවයි

ඉන්දියානු ණය සහනය යටතේ පෞද්ගලික ඉන්දියානු සැපයුම්කරුවෙකුගෙන් ඖෂධ ආනයනය කිරීමට ගත් සෞඛ්‍ය අමාත්‍යංශ තීරණය  ශ්‍රේෂ්ඨාධිකරණයේ ත්‍රිපුද්ගල විනිසුරු මණ්ඩලයක් විසින් අත්හිටුවා තිබේ.

සේවරිට්  ෆාමකියුටිකල්ස් (Savorite Pharmaceuticals (Pvt) පෞද්ගලික ආයතනය වෙතින් මිලදී ගන්නා නිෂ්පාදනවල ගුණාත්මකභාවය, ආරක්ෂාව හා කාර්යක්ෂමතාව සම්බන්ධයෙන් බරපතල සැකයක් පවතින බවට ඉදිරිපත් වූ කරුණු පිළිගනිමින් ශ්‍රේෂ්ඨාධිකරණය මෙම තීන්දුව ලබා දී ඇත.

එලෙසම, සේවොරිට්  හා කෞෂික් තෙරපියුටික්ස් ලිමිටඩ් Kausikh Therapeutics (P) Limited (KTL)යන ඉන්දියානු පෞද්ගලික ආයතන මඟින්, නියාමන අධීක්ෂණ මඟ හරිමින් සෞඛ්‍ය අමාත්‍යංශය ඖෂධ මිලදී ගැනීමට ගෙන ඇති තීරණයට එරෙහිව ට්‍රාන්ස්පේරන්සි ඉන්ටර්නැෂනල්  Transparency International Sri Lanka (TISL) ශ්‍රී ලංකා විසින් ගොනු කළ මූලික අයිතිවාසිකම් පෙත්සම ඉදිරියට ගෙන යාමටත් ශ්‍රේෂ්ඨාධිකරණය විසින් අවසර ලබා දෙන ලදී.

මෙහිදී විනිසුරු මුර්දු එන් බී ප්‍රනාන්දු   ප්‍රමුඛ යසන්ත කෝදාගොඩ, අචල වෙංගප්පුලි යන විනිසුරුවන් මෙම පෙත්සම විභාගයට ගත්හ. ඔවුන් පැවසුවේ මෙම ගනුදෙනුවේ නීත්‍යනුකූලභාවය පිළිබඳව ද ප්‍රශ්න ඇති බවයි.

ගුණාත්මකභාවය හා ආරක්ෂණ අවශ්‍යතා සපුරා ඇති බවට හා ප්‍රසම්පදානය නීත්‍යනුකූල බව සනාථ කිරීමෙන් තොරව, සැවෝරයිට් වෙතින් අනාගත ඖෂධ ආනයනය අත්හිටුවමින් ශ්‍රේෂ්ඨාධිකරණය  මෙම නියෝග ලබා දුන්නේය.

දැනටමත් ශ්‍රී ලංකාවට ගෙන්වා ඇති තොග දෙකක් භාවිතය සඳහා නිකුත් කළ හැක්කේ ජාතික ඖෂධ නියාමන අධිකාරිය ඒවායේ ආරක්ෂාව, ගුණාත්මකභාවය හා කාර්යක්ෂමතාව පිළිබඳ ස්වාධීන සහතිකයක් ලබා දීමෙන් පසුව බවත් අධිකරණය තීන්දු කර ඇතැයි ‘සන්ඩේ ටයිම්ස්’ වාර්තා කරයි

The post ඉන්දියාවෙන් නීති විරෝධීව ඖෂධ ගේන්න ගිය සෞඛ්‍ය අමාත්‍යංශයේ වෑයම ශ්‍රේෂ්ඨාධිකරණයෙන් අත්හිටුවයි appeared first on ColomboXnews.