සෞඛ්‍යසේවා අධ්‍යක්ෂ ජනරාල්වරයා විසින් නම් කර ඇති කාණ්ඩ 3 ට අයත් නොවන කිසිදු පුද්ගලයෙක් හෝ කණ්ඩායමක් නිරෝධායනයට යොමු කිරීම සදහා පොලීසියට උපදෙස් ලබා දීමෙන් වළකින්නැයි ශ්‍රී ලංකා මහජන සෞඛ්‍ය පරීක්ෂකවරුන්ගේ සංගමය සිය නිළධාරීන්ව දැනුවත් කර තිබෙනවා.
සංගමයේ සභාපති උපුල් රෝහණ මහතා සදහන් කලේ පසුගියදා උද්ඝෝශකයින් පිරිසක් නිරෝධායනය සදහා යොමු කිරීමේදී ඇති වූ ගැටලුකාරි තත්වය සලකාබලා මෙම තීරණය ගත් බවයි.
කොම්පඤ්ඤවීදියේ අන්තර් ශිෂ්‍ය බල මණ්ඩලය විසින් පැවැත්වූ උද්ඝෝෂණයේ පිරිස නිරෝධායනයට යොමු කිරීමට උපදෙස් ලබාදීම සම්බන්ධයෙන් මහජන සෞඛ්‍ය පරීක්ෂකවරයා සම්බන්ධ වී නොමැති බවත් පාර්ලිමේන්තුව අසල පැවති ගුරු සංගම් උද්ඝෝෂණයට සහභාගී වූ පිරිස නිරෝධායනයට යොමුකිරීමට සෞඛ්‍ය වෛද්‍ය අධිකාරිගේ උපදෙස් පරිදි මහජන සෞඛ්‍ය පරීක්ෂකවරයා යම් ප්‍රමාණයක උපදෙස් ලබා දී ඇති බවට වාර්තා වී ඇති බවත් ඒ මහතා සඳහන් කරනු ලැබුවා.
කෙසේවෙතත් නිරෝධායන රීති කඩවන ඕනෑම අවස්ථාවකදී අදාල පුද්ගලයින්ට එරෙහිව අධිකරණ හරහා නෛතිත තීන්දු තීරණ ගැනීමේ හැකියාව මහජන සෞඛ්‍ය පරීක්ෂකවරුන් සතුවන බවද උපුල් රෝහණ මහතා අවධාරණය කලා.
The post ඉදිරියේදී නිරෝධායනය කිරීමට උපදෙස් දෙන්නේ සෞඛ්‍ය අධ්‍යක්ෂක නම් කර ඇති කාණ්ඩ 3ට පමණයි – PHI සංගමය appeared first on ColomboXnews.
Source From Colomboxnews
Author: Kamal Dhammika
#SriLanka #News #lka