ආණ්ඩුව තවත් පියවරක් පස්සට තියයි..! තහනම් කරන ලද වල්නාශක සහ කෘමිනාශකත් ආනයනයට අවසර

වගාවන් සඳහා අවශ්‍ය අනුමත කෘමිනාශක සහ වල්නාශක මෙරටට ගෙන්වීමට අදාළ සමාගම්වලට අවසර දුන් බව කෘෂිකර්ම අමාත්‍යාංශයේ ලේකම් මහාචාර්ය උදිත් ජයසිංහ මහතා පවසයි. එසේම  ගොවීන්ට  ප්‍රමිතියෙන් යුතු පොහොර ලබාදීමට  කටයුතු කරන බවද හෙතෙම සඳහන් කළේය.

කෙසේ වෙතත් රටපුරා බුරබුරා නැගෙන ගොවි විරෝධයත් සමග ආණ්ඩුව පියවරෙන් පියවර පොහොර සහ කෘෂි රසායනික ද්‍රව්‍ය සදහා පනවා තිබු තහනම ඉවත්කරමින් සිටී.

මීට පෙර පොල් සහ තේ සදහා පනවා තිබු රසායනික පොහොර තහනම් ඉවත්කල අතර අදවනවිට කෘමිනාශක සහ වල්නාශක මෙරටට ගෙන්වීමටද අවසර ලබාදී තිබේ.

මේ අතර නැනෝ නයිට්‍රජන් පොහොර තොගයක් ගුවන් මගින්  ඊයේ  රැගෙන ආ බවත්   එය විශේෂිත පොහොරක්   බවත්  කෘෂිකර්ම අමාත්‍යාංශයේ ලේකම් පැවසුවේය. කෙනෙකුට එය කාබනික  පොහොරත් යැයි  පැවසිය හැකි බවත් තවත් අයෙකුට එය රසායනික පොහොරක් යැයි හැඳින්විය හැකි බවත් මහාචාර්යවරයා කීවේය.

යූරියා කිලෝ 50 ක කොට්ටයක් වෙනුවට මෙම නෑනෝ නයිට්‍රජන් මිලි ලීටර් 500 ක බෝතලයක් ප්‍රමාණවත් බව පැවසූ  ජයසිංහ මහතා  හෙක්ටෙයාරයකට අවශ්‍ය වන්නේ  ලීටර් 2.5 ක් පමණක් බවද ප්‍රකාශ කළේය.

මේ අතර පේරාදෙණි විශ්වවිද්‍යාලයේ කෘෂිකර්ම පීඨයේ ජ්‍යේෂ්ඨ මහාචාර්ය බුද්ධි මාරඹේ සඳහන් කළේ, මෙරටට ගෙන්වූ ටොන් 30,000ක පොටෑසියම් ක්ලෝරයිඩ් පෙහොර කිසිසේත්ම කාබනික පොහොරක් නොවන බව මහාචාර්ය බුද්ධි මාරඹේ මහතා අවධාරණය කරනවා.

ඒ අනුව පෙනී යන්නේ ආණ්ඩුව කාබනික පොහොර යැයි සදහන් කරමින් මේ වනවිට ආනයනය කරන්නේද රසායනික පොහොර බවයි.

The post ආණ්ඩුව තවත් පියවරක් පස්සට තියයි..! තහනම් කරන ලද වල්නාශක සහ කෘමිනාශකත් ආනයනයට අවසර appeared first on ColomboXnews.