ආණ්ඩුවේ ගැටේට අපි අහුවුනා.. තිස්ස, යාල දෙකම දැන් අවදානම් – සෆාරි ජීප් රියදුරන් (වීඩියෝ)

යුක්‍රේන සංචාරකයින් යාල අභ්‍යභූමිය නැරඹීමට රැගෙනයාම හේතුවෙන් යාල මෙන්ම තිස්සමහාරාම නගරයද දැන් අවදානම් තත්වයකට පත්ව ඇති බව යල සෆාරි ජීප්රථ රියදුරන් ප්‍රකාශ කරයි.

තමන් පැය තුනක පමණ කාලයක් එම සංචාරකයින් සමඟ යාල අභයභූමිය තුල රැදී සිටිය බවත් ඒ හේතුවෙන් කිසිදු පෙර දැනුම් දීමකින් තොරන හමුදාව විසින් තමන්ව සති දෙකක කාලයක් නිරෝධායනයට යැයි පවසා සිරකරගෙන සිටින බවත් සමාජ ජාල වෙත වීඩියෝවක් මුදාහරිමින් ඔවුන් පවසයි. තිස්ස ප්‍රෙද්ශයේ හෝටලය තමන් කොටුකරගෙන හමුදා ආරක්ෂාව යටතේ රදවාගෙන සිටින බවත් ආණ්ඩුව තමන්ව රැවටු බවත් මෙවැනි තත්වයක් පිලිබදව පෙර දැනුවත්වී සිටියානම් කිසිසේත්ම රුපියල් 5000ක් වැනි සුළු මුදලකට තමන් මෙම සංචාරය සදහා එක් නොවන බවද පවසයි.

යාල අභයභූමිය තුලදී යුක්‍රේන සංචාරකයින් මුුඛ ආවරණ පවා පැලදසිටියේ නැති බවත් මෙවැනි කොරෝනා ආසාදිතයින් පිරිසක් රටවටේ රැගෙනයාම ඉතා අනතුරුදායක තත්වයක් බවද ඔවුන් පවසයි.

කෙසේ වෙතත් රජය මෙම සංචාරකයින්ගේ පැමිණීම සම්බන්දයෙන් අදහස් දක්වමින් කියා සිටියේ ඔවුන් කිසිසේත්ම මෙරට සාමාන්‍ය ජනතාව සමග මුහුවීමක් සිදුනොවන බවයි. නමුත් මේ වනවිට සෆාරී ජීප් රථ රියදුරන් 28 දෙනෙකු මේ වනවිට නිරෝධායනයට ලක්කර තිබේ.

මෙම සංචාරකයින් පිරිස මේ වනවිට මිරිස්ස සහ බෙන්තර ප්‍රෙද්ශ වල සංචාරය කරමින් සිටින බවද වාර්තාවේ.

තව කියවන්න -: යුක්‍රේන සංචාරකයින් රැගෙන ගිය සෆාරි ජීප් රථ රියදුරන් විරෝධය මැද නිරෝධායනයට

The post ආණ්ඩුවේ ගැටේට අපි අහුවුනා.. තිස්ස, යාල දෙකම දැන් අවදානම් – සෆාරි ජීප් රියදුරන් (වීඩියෝ) appeared first on ColomboXnews.