ආණ්ඩුවේ ගජමිතුරු සුපිරි කෝටිපතියාගෙන් පොහොට්ටුවට සුපිරි කාර්යාලයක්

බත්තරමුල්ලේ පිහිටි ශ්‍රී ලංකා පොදුජන පෙරමුණේ ප්‍රධාන කාර්යාලය අතිසුපිරි මට්ටමේ පක්ෂ කාර්යාලයක් ලෙස අලුත්වැඩියා කර දීමට සුපිරි කෝටිපතියෙක් කටයුතු කොට ඇති බව වාර්තා වේ.

වත්මන් නන්දසේන ගෝඨාභය රාජපක්ෂ ආණ්ඩුව බලයට පත් වු පසු ආණ්ඩුවට හිතවත් ව්‍යාපාරික පැලැන්තියකට විශාල වශයෙන් ලාභ ඉපයීමට ඉඩප්‍රස්ථාව සලසා දුන් අතර එවැනි එක් ව්‍යාපාරිකයෙකු විසින් මෙලෙස පොදුජන පෙරමුණේ ප්‍රධාන කාර්යාලය අතිසුඛෝපභෝගී ලෙස නවීකරණය කරදී තිබේ.

ඒ අනුව මෙම කාර්යාලය නවීන අංගෝපාංගයන්ගෙන් සමන්විත වන සුපිරි කාර්යාල, ශ්‍රවනාගාර ඇතුළත් වන අයුරින් වායුසමනය කොට අලුත්වැඩියා කර දීමට මෙම කෝටිපති ව්‍යාපාරිකයා කටයුතු කොට ඇති බව දැනගන්නට ඇත.

මෙම ව්‍යාපාරිකයාට ආණ්ඩුව මගින් ව්‍යාපාරික අවස්ථා ලබා දී තිබීම හේතුකොටගෙන මෙසේ පක්ෂ කාර්යාලය අලුත්වැඩියා කර දී ඇති බව බොහෝ දෙනාගේ මතය වී තිබේ.

ඒ අනුව මෙසේ අලුත්වැඩියා කෙරුණු පක්ෂ කාර්යාලය බැසිල් රාජපක්ෂ මහතා විසින් පසුගියදා විවෘත කරනු ලැබීය.

The post ආණ්ඩුවේ ගජමිතුරු සුපිරි කෝටිපතියාගෙන් පොහොට්ටුවට සුපිරි කාර්යාලයක් appeared first on ColomboXnews.