ආණ්ඩුවේ අභ්‍යන්තර අර්බුදය දැන් වඩා බරපතයි – නාලක ගොඩහේවා

ආණ්ඩුව තුළ පවතින අභ්‍යන්තර අර්බුදය දැන් බරපතල තත්ත්වයත පවතින බවත් ඊට කඩිනමින් විසදුම් ලබාදිය යුතු බව රාජ්‍ය අමාත්‍ය ආචාර්ය නාලක ගොඩහේවා මහතා පවසයි. ඔහු පෙන්වා දෙන්නේ ආණ්ඩුව තුල සිටින ඇතැම් පුද්ගලයින් විසින් ආණ්ඩුව තුළ අර්බුද ඇති කිරීමට කටයුතු කරමින් සිටින බවය.

රටතුල ආණ්ඩුවට අප්‍රසාදයක් මතුව ඇති බවත් මේ මොහොතේ ආන්ඩුවට තිබිය යුතු ජනප්‍රියත්වය කොහෙත්ම නොපවතින බවද ඒ මහතා මෙහිදී පැවසීහ.

ගම්පහ ප්‍රදේශයේ දී මාධ්‍ය වෙත අදහස් දක්වමින් රාජ්‍ය අමාත්‍ය නාලක ගොඩහේවා මහතා මෙම අදහස් පළ කළේය.

“අපි රජය පිහිටුවලා දැන් අවුරුද්දකුත් මාස කිහිපයක් ගිහින්. අපි යථාර්තය පිළිගන්න ඕනේ. අපි මේ වනවිට ඉන්න තත්ත්වය. මහා විශාල ජන ප්‍රසාදයක ඉන්නවා ද කියන ප්‍රශ්නය අපි අහන්නට ඕනේ. මෙවැනි ආණ්ඩුවක් සිටිය යුතු ජන ප්‍රසාදයේ ද අද ඉන්නේ. අපි අතර සමගිය තිබුණේ නැත්නම් ඊළඟ මැතිවරණය ලේසි වෙන්නේ නෑ. දැන් අපි බුද්ධියෙන් විමසලා විසඳුම් සෙවිය යුතුයි.”

The post ආණ්ඩුවේ අභ්‍යන්තර අර්බුදය දැන් වඩා බරපතයි – නාලක ගොඩහේවා appeared first on ColomboXnews.