අසරණ පවුලකට ජල ඒකක 4කට රුපියල් 75,000ක ජල බිලක්

ජල ඒකක 4 වැනි ප්‍රමාණයක් සඳහා රුපියල් 75,000ක ජලබිලක් පැමිණි පුවතක් හුංගම ප්‍රදේශයෙන් වාර්තා වෙනවා.

එම නිවසට මීට පෙර අවස්ථාවලදී මසකට රුපියල් දහසකට ආසන්න වතුර බිලක් පැමිණ ඇති අතර නෑමට සහ බීමට පමණක් ඔවුන් ගන්නා බවයි නිවැසියන් සඳහන් කරන්නේ.

කෙසේ වෙතත් මේ සම්බන්ධයෙන් එම නිවසේ කාන්තාව විසින් හුංගම හාතගල ජල සම්පාදන හා ජලපවාහන මණ්ඩලයේ නඩත්තු කාර්යාලය වෙත ද පැමිණිලි කර තිබෙනවා.

අදාළ කාන්තාව එම සිදුවීම පිළිබඳව දැක්වූයේ මෙවන් අදහසක්,

“මේ මාසේ 11 වැනිදා වතුර බිල් ලියන මහත්තයා නිවසට ඇවිත් වතුර බිල මට දුන්නා.. වතුර බිල රුපියල් 75000ක් ඇති බව දැනගත් මට උන්හිටිතැන් අමතක වුණා. අපි ගොඩක් දුප්පත්. කුලී වැඩ කරලා ජීවත්වෙන්නේ. ඉන්න හිටින්න හරියට ගෙයක් දොරක්වත් නෑ. ජල බිලේ ඒකක 800ක් කියලා දාලා තියෙනවා.”

The post අසරණ පවුලකට ජල ඒකක 4කට රුපියල් 75,000ක ජල බිලක් appeared first on ColomboXnews.