ලොව දැවැන්තම ජාත්‍යන්තර රූ රැජින තරග හතරෙන් එකක් වන විශ්ව රූ රැජින මෙවර තරගයෙන් ඉන්දියාව නියෝජනය කළ හර්නාස් සන්ධු කිරුළ හිමිකරගත්තේ සිය මව්බිමට ඉතිහාසගත ජයග්‍රහණයක් සනිටුහන් කරමිනි. ඒ 2000 වසරේ ලාරා දත්තා දිනූ විශ්ව රූ රැජින කිරුළ දිනූ හරියටම වසර 21කට පසුව 21 වියැති හර්නාස් සන්ධු විශ්ව රූ රැජින කිරුළ හිමිකරගත් තෙවැනි ඉන්දීය කාන්තාව බවට පත්වීමෙනි.එයින් කියන්නේ ඇය උපන් අවුරුද්දෙන් පසුව මේ වනව තෙක් ඉන්දිය සුරූපිනියකට ඒ වාසනාව ලැබී නොමැති බවය.
විශ්ව රූ රැජින යනු අමෙරිකාව පදනම් කරගත් රූ රැජින තරගයක් වන අතර එය වාර්ෂිකව සංවිධානය කරනු ලබන්නකි. ඊශ්‍රායලයේ අයිලට් හි දී මෙවර පැවැත්වුණේ විශ්ව රූ රැජින 70 වැනි තරගාවලියයි.
කවුර් යුවළට දාව උපන් සන්ධු ඉපදුණේ පන්ජාබ්හිදී චන්යදිගාර් හිදීය.හර්නාස් හැදී වැඩුණු චන්දිගාර්හි පිහිටි ශිවාලික් පොදු පාසලට සහ කාන්තා විද්‍යාලයට ඇතුළත් ව ඇය එහිදී සිය මූලික හා ද්විතියික අධ්‍යාපනය හැදෑරැවාය. 21 හැවිරිදි ඇය දැනට රාජ්‍ය පරිපාලනය පිළිබඳ සිය ශාස්ත්‍රපති උපාධිය හදාරමින් සිටීන්නීය. ඇය වෘත්තියෙන් නිරූපිකාවක් ලෙස කටයුතු කරමින් සිටී.
සන්ධු වයස අවුරුදු 17 සිටම රූපලාවන්‍ය සහ නිරූපණ සංදර්ශන සඳහා තරඟ කිරීමට පටන් ගත්තාය. Miss Chandigar -2017 සහ Miss Max Emerging Star India -2018 තරගවලදී ඇය ශූරතා දිනාගත්තාය.
2019 දී ඇය Femina Miss India Punjab 2019 කිරුළ දිනාගත් පසුව ඇය Femina Miss India තරඟයට තරඟ කළාය. ඇය ෆෙමිනා මිස් ඉන්දියා හි හොඳම 12 දෙනා අතර ද සිටියාය.
ඇය දැනට වසර කිහිපයක සිට විලාසිතා ක්ෂේත්‍රයේ තම නම රැන්දීමට සමත් වී සිටින්නීය. එපමණක් නොව, ඇය යාර දියන් පූ බරන් සහ බායි ජී කුට්ටංගේ වැනි චිත්‍රපටවල පවා රඟපා ඇත.
නිරූපණයේ හා අධ්‍යාපන කටයුතු අඛණ්ඩව සාර්ථක කරගනිමින් සිටින ඇය එතැනින් නොනැවතී කාන්තා අයිතිවාසිකම් වෙනුවෙන් ප්‍රබලව පෙනී සිටින්නියක් ලෙස ද ප්‍රකටව සිටින්නීය. ඇය ප්‍රියංකා චොප්රාගෙන් ආභාෂය ලබා ගන්නා බව ඉන්දීය මාධ්‍ය වාර්තා කළාය. ඇයගේ විවේක කාලය තුළ ඇය යෝග අභ්‍යාස, නැටුම්, ඉවුම් පිහුම්, අශ්වයින් පැදීම සහ චෙස් ක්‍රීඩා කිරීමට ප්‍රිය කරන්නියකි.
සන්ධූ සොබාදහමට බෙහෙවින් ආදරය කරන්නියකි. ගෝලීය උෂ්ණත්වය ඉහළ යාම සහ ස්වභාව සංරක්ෂණය පිළිබඳ ඇයගේ අදහස් රූ රැජින විනිශ්චය මණ්ඩලයේ සිත් ගත්තේය. ගෝලීය උණුසුම සහ දේශගුණික විපර්යාස පිළිබඳව ද ඇයට දැඩි මතයක එල්බ සිටින්නීය.
හර්නාස් ඇගේ විශ්ව රූ රැජින නියෝජිත චරිතාපදානයේදී සඳහන් කළේ පුරුෂාධිපත්‍යයේ විලංගුවලින් මිදී තම පවුල මෙහෙයවීමට සාර්ථක නාරිවේද වෛද්‍යවරියක් බවට පත්වූයේ ඇගේ මව තමා ශක්තිමත් කාන්තාවක ලෙස ඉදිරියට ඒමට පෙළඹවූ බවයි. කාන්තා අරමුණු සඳහා සහය වීමට සහ කාන්තා සවිබල ගැන්වීමට උපකාර කිරීමට සන්ධූහට මෙය ආශ්වාදයක් වී ඇත. ඇය අධ්‍යාපනය, වෘත්තීන් සහ තේරීමේ නිදහස සඳහා කාන්තා ව්‍යවස්ථාපිත අයිතිවාසිකම් සඳහා ප්‍රබල ආධාරකාරිනියක ද වේ.
හර්නාස් සන්ධූ වත්මන් විශ්ව රූ රැජින ලෙස ඉදිරියේ දී ජාත්‍යන්තර විශේෂ අවස්ථාවන් ගණනාවකට සහභාගි වීමට කාර්යබහුල වනු ඇත. නව කිරුළ ඇයගේ සමාජමය දායකත්වයට ප්‍රබල මෙවලමක් වනු ඇති අතරම ඉන්දීය සිනමා නිර්මාණවලින් ද ඉදිරියේ දී ඇය දකින්නට ලැබෙන බවට දැනට ඉඟි පළවෙමින් ඇත.
මෙහිදීඩ වඉඩාත් අවධානයට ලක්ව ඇති කරුණක් වී ඇත්තේ ඇය දේශගුනික විපර්යාස සහ මිහිතල උණුසුම් විම පිළිබඳව දක්වන ආකල්පයයි. මේ වෙනුවෙන් ඇය නගන හඟන හඬ ලෝකයේ ජනතාව නව ගමනකට එක් කර ගැනීමට තරම් ප්‍රබල බලපෑමක් කළ හැකි වනු ඇතිය බොඓා් දෙනා මත පළ කරති.
The post අවුරුදු 21කට පසු භාරතය බබළවන 21 හැවිරිදි රූප රාජිණිය හර්නාස් සන්ධු appeared first on ColomboXnews.
Source From Colomboxnews
Author: Kamal Dhammika
#SriLanka #News #lka