2022 ජූලි 09 වන දින හිටපු ජනාධිපති රනිල් වික්‍රමසිංහ මහතාගේ කොල්ලුපිටියේ පස්වන පටුමගේ පිහිටි පෞද්ගලික නිවසට එල්ල වූ ප්‍රහාරයේ සහ ගින්න නිවා දැමීමට පැමිණි ගිනි නිවන හමුදාවට බාධා කිරීමේ සිද්ධියේ සැකකරුවෙකු තරුණ කටයුතු නියෝජ්‍ය අමාත්‍ය එරංග ගුණසේකර නම් කොට තිබෙන බවට අද ඩිජිටල් මාධ්‍ය කිහිපයක් විසින්ම වාර්තා කොට තිබිණි.
එහෙත් එම නඩුව ඊයේ (26) දින කොටුව මහේස්ත්‍රාත් අධිකරණය ඉදිරියේ කැඳවූ අවස්ථාවේදී නියෝජ්‍ය අමාත්‍යවරයා ඉදිරිපත්ව නොසිටි බවද වාර්තා විය.
තම සේවාදායකයා අසනීප තත්ත්වයෙන් පසුවන බැවින් ඔහුට අධිකරණයට පැමිණීමට නොහැකි වූ බවට ඔහුගේ නීතිඥවරයා අධිකරණයට දැනුම් දී තිබේ.
එසේම, තවත් සැකකරුවන් කිහිප දෙනෙකුගේ නීතිඥවරුන් විසින්ද, තම සේවාදායකයින් අධිකරණයට නොපැමිණෙන බවට අධිකරණයට දැනුම් දී තිබෙන අතර, මහේස්ත්‍රාත්වරයා විසින් අදාල නඩුවෙහි විත්තිකරුවන් හතර දෙනෙකු අත්අඩංගුවට ගැනීමේ වරෙන්තු නිකුත් කොට තිබෙන බවද වාර්තා වෙයි.
එහෙත් එම වරෙන්තුකරුවන් අතර නියෝජ්‍ය අමාත්‍යවරයා නොමැති අතර ඊළඟ නඩු විභාගයේදී ඔහුට අධිකරණයේ පෙනී සිටින ලෙස මහේස්ත්‍රාත්වරයා විසින් නියෝග කොට තිබෙන බව පුවත් ආරංචි මාර්ග වැඩිදුරටත් සඳහන් කොට සිටී.
The post රනිල්ගේ නිවස ගිනිතියන්න ගිය නියෝජ්‍ය ඇමතිට බඩු බනිස් appeared first on Colombo Today.
Source From colombotoday
Author: colombotoday
#SriLanka #News #lka