කැනඩාවට යන්න මුදල් බදින්න ගිය තරුණයාගේ සිරුර වැවකින් හමුවෙයි

කැනඩාවට යෑමට සුදානමින් සිටි තරුණයෙකුගේ මළ සිරුරක් මල්ලාවි වවුනිකුලම වැවේ තිබි සොයාගත් බව මල්ලාවි පොලිසිය පවසනවා.

මුලතිව්, මල්ලාවි, යෝගපුරම් ප්‍රදේශයේ පදිංචි 27 හැවිරිදි ආනන්දරාසා සජීවන් නමැති තරුණයෙකුගේ මළ සිරුරක් එලෙස හමුව ඇති බව සඳහන්.

අදාළ තරුණයා කැනඩාව බලා පිටත්ව යාමට අගෝස්තු 01 වැනිදා සුදානමින් සිට ඇති බවත් ඒ වෙනුවෙන් රුපියල් ලක්ෂ 20ක් ඩොලර්වලට මාරු කිරීමට ගොස් ඇති අතර, අදාළ අවස්ථාවේදී තරුණයා මරණයට පත්ව ඇති බවට ප්‍රදේශවාසීන් පවසනවා.

තරුණයා ඊයේ (30) දින නිවසින් පිටත්ව ගොස් ඇති අතර, අනතුරුව තරුණයාගේ දුරකථනයෙන් පිළිතුරු නොලැබී ඇති බවත්, සිදුවීම සම්බන්ධයෙන් ලද පැමිණිලි මත පරීක්ෂා කර බැලීමේදී තරුණයාගේ යතුරුපැදිය වවුනිකුලම වැව අසල තිබී සොයාගත් බවද පොලිසිය කියා සිටියා.

අනතුරුව තරුණයා සොයා ප්‍රදේශවාසීන් හා පොලිසිය අදාළ ප්‍රදේශයේ පරීක්ෂා කිරීමේදී වවුනිකුලම වැවේ තිබි තරුණයාගේ මළ සිරුර හමුව තිබෙනවා.

තරුණයාගේ මුදල් දැක අදාළ මුදල ලබා ගැනීමට තරුණයා ඝාතනය කරන්නට ඇති බව පොලිසිය සැක පළ කරයි.

මළ සිරුර පශ්චාත් මරණ පරීක්ෂණ වෙනුවෙන් මුලතිව් රෝහල් මෘත ශරීරාගාරයට යොමුකොට තිබෙනවා.

The post කැනඩාවට යන්න මුදල් බදින්න ගිය තරුණයාගේ සිරුර වැවකින් හමුවෙයි appeared first on Colombo Today.