පසුගිය නොවැම්බර් මාසයේදී සීනි ආනයන බද්ද සත 25 දක්වා අඩුකරමින් සීනි කිලෝවක් විකිණිය හැකි උපරිම මිල රුපියල් 85 ක් ලෙස සඳහන් කරමින් ගැසට් නිවේදනයක් නිකුත් කිරීමෙන් අනතුරුව මෙරටට සීනි මෙට්‍රික් ටොන් 650,000 ක් ආනයනය කරන ලදි.
කෙසේවෙතත් කොරෝනා වසංගතය හේතුවෙන් ඉතා අසරණව සිටින පාරිභෝගිකයාගේ රීරී මාංශ ටිකත් සුරාගෙන කන ව්‍යාපාරිකයන් ඉතා නින්දිත ලෙස ඉතා අඩුමුදලට ආනයනය කරන ලද සීනි තොග සඟවා තබා සීනි කිලෝවක මිල රුපියල් 220 ද ඉක්මවා යෑමට අවශ්‍ය කටයුතු සම්පාදනය කර ඇත.
මේ අතර, වේල්ල වීදිය ප්‍රධාන කාර්යාලය පිහිටා ඇති Global Trading And Company ආයතනය විසින් මෙරටට ආනයනය කර වත්තල, මාබෝල ගබඩාවක සඟවා තබාගෙන සිටි සීනි මෙට්‍රික් ටොන් 4800 ක තොගයක් වත්තල සොයාගෙන ඇත.
මේ වන විට පාරිභෝගික කටයුතු පිලිබඳ අධිකාරිය විසින් එම ස්ථානයට පැමිණ සීනි තොගය සීල් තබා ඇත. අදාළ තොගය පාරිභෝගික කටයුතු පිලිබඳ අධිකාරියේ ලියාපදිංචි නොකළ තොගයක් බවට ද තොරතුරු අනාවරණය වී ඇත.
Source From colombotoday
Author: colombotoday.com
#SriLanka #News #lka