නිධන් හාරන්න ගිය තිදෙනෙක් මාට්ටු

කුරුණෑගල, බමුණාවල විහාරස්ථානය අසළ ප්‍රදේශයේ නිධන් හෑරීමට පැමිණි පුද්ගලයින් තිදෙනෙකු අත්අඩංගුවට ගෙන තිබේ.

පොලීසිය සඳහන් කළේ, මිනුවන්ගොඩ, ගම්පහ සහ මීගමුව ප්‍රදේශවල පදිංචිකරුවන් තිදෙනෙකු එලෙස අත්අඩංගුවට ගත් බවයි.

මේ අතර පැල්මඩුල්ල විහාරස්ථානයක පෞරාණික භාණ්ඩ කොල්ලකෑම සම්බන්ධයෙන් සැකකරුවන් 06 දෙනෙකු අත්අඩංගුවට ගෙන ඇතැයි පොලීසිය පැවසීය.

ඒ සම්බන්ධයෙන් පැල්මඩුල්ල පොලීසිය වැඩිදුර විමර්ශන ආරම්භ කර තිබේ.