BYD පසුගිය සඳුදා (01) නිවේදනය කළේ 2023 අවසාන කාර්තුවේදී වාර්තාගත ‘බැටරි පමණක් භාවිත කරන වාහන‘ 526,000ක් විකුණා ඇති බවයි. Tesla සමාගම අලෙවි කර ඇති විදුලි වාහන සංඛ්‍යාව එම කාර්තුවේ දී 484,500 කි.
මේ අතර චීනයේ BYD සමාගම ශ්‍රී ලංකා වෙළෙඳපොළට පිවිසෙන බව ද පසුගිය දා නිල වශයෙන් නිවේදනය කළේය.
ඒ ශ්‍රී ලංකාවේ විශාලතම ලැයිස්තුගත සමාගම් සමූහය වන ජෝන් කීල්ස් හෝල්ඩිංග්ස් පීඑල්සී සමඟින් මෙරට වෙළෙඳපොළට නව බලශක්ති වාහන (New Energy Vehicles – NEV) සැපයීම සඳහා සහයෝගීතාවයකට එළඹෙමිනි.
මෙම ව්‍යාපාරික සහයෝගීතාවය සඳහා ගිවිසුම් අත්සන් තැබීම 2023 නොවැම්බර් මාසයේ දී චීනයේ Shenzhen හි BYD ගෝලීය මූලස්ථානයේදී සිදුකෙරුණු අතර ඒ සඳහා BYD ආසියා පැසිෆික් මෝටර් රථ අලෙවි අංශයේ සාමාන්‍යාධිකාරී Liu Xueliang මහතා සහ ජෝන් කීල්ස් හෝල්ඩිංග්ස් සභාපති ක්‍රිෂාන් බාලේන්ද්‍ර මහතා එක්විය.
The post Tesla අභිබවා ගිය චීනයේ BYD ශ්‍රී ලංකාවට appeared first on Adaderana Biz Sinhala | Sri Lanka Business News.
Source From biz.adaderana
Author: Biz Editor
#SriLanka #News #lka