SBS සමාගම සිය නවතම Hikvision අත්දැකීම් මධ්‍යස්ථානය බත්තරමුල්ලේදී විවෘත කරයි

මෙරට තොරතුරු තාක්ෂණ සේවා ක්ෂේත්‍රයේ ඉදිරියෙන්ම සිටින සමාගමක් වන SBS.com Office Solutions පෞද්ගලික සමාගම සිය නවතම අත්දැකීම් මධ්‍යස්ථානය බත්තරමුල්ලේදී විවෘත කර තිබේ. අති නවීන පහසුකම්වලින් සමන්විත මෙම මධ්‍යස්ථානය වෙත පැමිණෙන පාරිභෝගිකයින්ට Hikvision වර්ගයේ කැමරා සහ Grand Stream අන්තර් සන්නිවේදන පද්ධති ඇතුළු ආරක්ෂාව සහ සන්නිවේදනය හා සම්බන්ධ නවතම තාක්ෂණික විසඳුම් රැසක් අත්විඳීමට අවස්ථාව හිමි වේ. පාරිභෝගික අවශ්‍යතාවලට ගැලපෙන ආකාරයේ නිෂ්පාදන සහ සේවා සැපයීමට එම සමාගම සතු කැපවීම මේ තුළින් නැවැතත් තහවුරු වේ. CCTV කැමරා පද්ධති සහ අනිකුත් ආරක්‍ෂිත විසඳුම් සැලකීමේදී ලොව පුරා පිළිගත් සමාගමක් වන Hikvision සමාගමේ බලයලත් විසඳුම් සහකරු ලෙසද එම සමාගම කටයුතු කරයි. බොහෝ සේවා Hikvision සමාගමේ විශේෂඥ අධීක්ෂණය යටතේ ලබා ගැනීමට පාරිභෝගිකයින්ට අවස්ථාව ලැබේ. මෙම අත්දැකීම් මධ්‍යස්ථානය තුළින් අලෙවිකරුවන්ට මෙන්ම පාරිභෝගිකයින්ටද වාසි රැසක් අත්විඳිය හැක. දිනයක් වෙන් කරවාගෙන හෝ නොගෙන එම මධ්‍යස්ථානය වෙත ගොස් Hikvision සමාගම විසින් හඳුන්වා දෙන නවතම කැමරා සහ අනිකුත් උපාංග ඇතුළු බොහෝ තොරතුරු තාක්ෂණ විසඳුම් පිළිබඳව හැදෑරීමටත්, ඒවා ප්‍රයෝගිකව අත්විඳීමටත් එහිදී අවස්ථාව ලැබේ.

2009 වසරේදී ආරම්භ වූ SBS.com සමාගම වසර 16කට වැඩි කාලයක් තිස්සේ මෙරට තොරතුරු තාක්ෂණ ක්ෂේත්‍රයට විශාල දායකත්වයක් ලබා දී ඇත. සහතිකලත් ඉංජිනේරුවරයෙක් වන සමන්ත ගුණසේකර මහතාගේ නායකත්වය යටතේ, පහක පමණ කාර්ය මණ්ඩලයක් සහිතව ආරම්භ වූ එම සමාගමේ මේ වන විට 50කට අධික පිරිසක් සේවය කරති. බැංකුකරණය, සෞඛ්‍ය, ආගන්තුක සත්කාර, සහ තවත් ක්ෂේත්‍ර ගණනාවක් නියෝජනය කරන පාරිභෝගිකයින්ට එම ආයතනය  සේවා සපයයි. ඔවුන් මේ වන විට මාලදිවයිනේද සිය මෙහෙයුම් කටයුතු ආරම්භ කර ඇත. තොරතුරු තාක්ෂණ පද්ධති වැඩිදියුණු කිරීමට බලාපොරොත්තු වන බොහෝ ව්‍යාපාර ආයතනවල විශ්වසනීය සහකරු බවට පත්ව ඇති එම සමාගම PABX පද්ධති, ආවේක්ෂණ කටයුතු, මෘදුකාංග විසඳුම්, ඇඟිලි සලකුණු යන්ත්‍ර, වෙබ් අඩවි නිර්මාණය කිරීම සහ වැඩිදියුණු කිරීම, ජංගම දුරකථන යෙදවුම් නිර්මාණය කිරීම, සහ අනිකුත් උපාංග ඇතුළු නිෂ්පාදන සහ සේවා රැසක් පාරිභෝගික ප්‍රජාව වෙත සපයයි. තාක්ෂණය තුළින් ජීවිතවල විප්ලවයක් ඇති කරන අයුරු දැන ගන්න, SBS.com අත්දැකීම් මධ්‍යස්ථානය වෙත පැමිණෙන්න.

The post SBS සමාගම සිය නවතම Hikvision අත්දැකීම් මධ්‍යස්ථානය බත්තරමුල්ලේදී විවෘත කරයි appeared first on Adaderana Biz Sinhala | Sri Lanka Business News.