එක්සත් ජනපදයේ වොෂිංටන් නුවර පැවති ලෝක බැංකු සමූහයේ සහ ජාත්‍යන්තර මූල්‍ය අරමුදලේ 2024 වාර්ෂික රැස්වීම් මාලාව අතරවායේ දී Economynext ප්‍රවෘත්ති අඩවිය සමඟ සම්මුඛ සාකච්ඡාවකට එක්වෙමින් මහ බැංකු අධිපතිවරයා මේ බව පවසා ඇත.
මෙම ණය ප්‍රතිව්‍යූහගතකරණ ක්‍රියාවලිය අවසන් වූ වහාම ශ්‍රී ලංකාවේ ණය ශ්‍රේණිය, දැනට තිබෙන ‘පැහැර හැරීම‘ ශ්‍රේණියේ සිට ඉහළ ශ්‍රේණියට එසවෙනු ඇති බවට මහ බැංකු අධිපතිවරයා සිය විශ්වාසය පළ කර තිබේ.
මේ අතර ජාත්‍යන්තර මූල්‍ය අරමුදලේ විස්තීර්ණ ණය පහසුකම් වැඩසටහනේ තෙවන සමාලෝචනය මේ වන විට ප්‍රමාද වී ඇති අතර, මහ බැංකු අධිපතිවරයා සඳහන් කර ඇත්තේ කාර්ය මණ්ඩල මට්ටමේ ගිවිසුම සඳහා ඇතුළත් වීම නොවැම්බර් අවසානය හෝ දෙසැම්බර් මුල කාලය දක්වා ප්‍රමාද වීම ඊට හේතු වී ඇති බවයි.
“තෙවන සමාලෝචනය දෙසැම්බර් අග වන විට අවසන් කළ යුතුව තිබෙනවා. නමුත් ඊට පෙර, ලබන වසර සඳහා අයවැය පාර්ලිමේන්තුවට ඉදිරිපත් කිරීම වැනි පූර්ව ක්‍රියාමාර්ග කළ යුතුව තිබෙනවා. එය සිදුවන්නේ ලබන වසරේ මුල් මාස තුන ඇතුළත. මෙවැනි කාරණා නිසා තෙවන සමාලෝචනයේ ප්‍රමාදයක් සිදුවිය හැකියි“, යනුවෙන් මහ බැංකුව අධිපති ආචාර්ය නන්දලාල් වීරසිංහ මහතා මෙහිදී සඳහන් කර තිබේ.
The post IMF තෙවැනි සමාලෝචනය අයවැයෙන් පසු – මහ බැංකු අධිපති කියයි appeared first on Adaderana Biz Sinhala | Sri Lanka Business News.
Source From biz.adaderana
Author: Biz Editor
#SriLanka #News #lka