“Full’r Burgers “Gojira x Kong Burger” අභියෝගතා Crescat Boulevard හිදී සාර්ථකව අවසන්

ශ්‍රී ලංකාවේ අංක එකේ නැගී එන බර්ගර් සන්නාමයක් ලෙස ප්‍රසිද්ධියට පත් Full’r Burgers, ඔවුන් විසින් සංවිධානය කරන ලද Gojira x Kong Burger අභියෝගතා අවසන් මහා තරගය පසුගියදා Crescat Boulevard හි පිහිටි සිය අලෙවිසැලේ දී පවත්වන ලද අතර එය දැන් භෝජන සංග්‍රහයන් සඳහා ද සම්පූර්ණයෙන්ම විවෘත කොට තිබේ. මෙම අවස්ථාවට බර්ගර්ලෝලීන් විශාල පිරිසක් උද්‍යෝගයෙන් සහභාගී වූ අතර, සහභාගිවන්නන්ට තත්පර 150ක් ඇතුළත කිලෝග්‍රෑම් 1ක බරැති දැවැන්ත බර්ගර් බන් එකක් කා නිම කිරීමේ අභියෝගය හිමිවිය. එහිදී, මිනිත්තු 2 යි තත්පර 3 කින් එම අභියෝගය අවසන් කිරීමට සමත් වූ සොමිරු දසුන් ජයග්‍රාහකයා බවට පත්විය.

තරඟකරුවන් කාල ගණනයන්ට සහ එකිනෙකාට එරෙහිව තරග වඳිමින්, ඔවුන්ගේ ආහාර රුචිය සහ අධිෂ්ඨානය යන දෙකම එකවිට පෙන්නුම් කරන අතර, ප්‍රේක්ෂකයින්ට සහ තරඟකරුවන්ට උද්වේගකර වටපිටාවක් ද ඒ ඔස්සේ  නිර්මාණය වූයේය.

Full’r Burgers හි ප්‍රධාන විධායක නිලධාරී ෂිෆාස් රියාස් මෙම අවස්ථාවේ සාර්ථකත්වය පිළිබඳව ඉමහත් සතුටට පත්වූ අතර, එහිදී ඔහු සිය අදහස් දක්වමින් ප්‍රකාශ කළේ; Full’r Burgers සන්නාමයක් ලෙස බර්ගර් ආශ්‍රිත අත්දැකීම නවමු මානයකට ගෙන යාමට උත්සාහ කරන බවත්, “Gojira x Kong Burger අභියෝගතා ඔවුන්ගේ නවෝත්පාදනයන්ට සහ සූපශාස්ත්‍රයේ විශිෂ්ටත්වය පෙන්වීම සඳහා වන කැපවීමට සාක්ෂියකි. තවදුරටත් අදහස් දැක්වූ ඒ මහතා පෙන්වා දුන්නේ, ඉදිරියේ දී Full’r Burgers ගෝලීයව ව්‍යාප්ත කිරීමට සැලසුම් කර ඇති අතර ඒ සඳහා අවශ්‍ය වන නව සැලසුම් හා නවෝත්පාදනයන් කෙරෙහි අවදානය යොමු කරමින් පසුවන බවයි.

ප්‍රධාන මෙහෙයුම් නිලධාරී රෙවාන් ගුණවර්ධන මහතා Full’r Burgers හි ගුණාත්මකභාවය, හැඩගැන්වීම සහ නිර්මාණශීලිභාවය සඳහා ඇති කැපවීම අවධාරණය කරමින් පැවසූවේ, Full’r Burgers විසින් නිර්මාණය කරන ලද සෑම බර්ගර් එකක්ම, බර්ගර් නිෂ්පාදන ක්ෂේත්‍රයේ ඇති ශිල්පීය නිපුණත්වය පිළිබඳ කතාවක් කියන අතර, ඔබ අනුභව කරනා  කටින් කටට වෑහෙන රසවත් හා ප්‍රනීත අත්දැකීමක් ගෙන න බව සහතික විය හැකිය.

Giga Foods Pvt Ltd හි ක්‍රියාශ්‍රීලී නායකත්වය යටතේ Full’r Burgers, බර්ගර් නව්‍යකරණයේ ඉදිරියෙන්ම සිටී. මේ වනවිට බස්නාහිර පළාත පුරා සශ්‍රීක අලෙවිසල් හතක් ස්ථාපිත කර ඇති අතර එය ඉදිරියේදී දිප ව්‍යාප්තව ආරම්භ කිරීමට සැලසුම් කර තිබේ.

Full’r Burgers කාර්යමණ්ඩලය, Gojira x Kong Burger Challenge හි ජයග්‍රාහක සොමිරු දසුන්ට හා එහි සාර්ථකත්වයට දායක වූ සැමට සිය හෘදයාංගම ස්තුතිය පිරිනමනු ලැබූ අතර, මේ අවස්ථාව බර්ගර් කලාවට නව්‍ය අත්දැකීමක් එකතු කළා පමණක් නොව නවමු භෝජන අත්දැකීමක් ද ලබා දුන්නේය.

The post “Full’r Burgers “Gojira x Kong Burger” අභියෝගතා Crescat Boulevard හිදී සාර්ථකව අවසන් appeared first on Adaderana Biz Sinhala | Sri Lanka Business News.