Emerald සිය නවතම ශාඛාව කොළඹ 03 හිදී විවෘත කරයි

ශ්‍රී ලංකාවේ ප්‍රමුඛතම පිරිමි ඇඳුම් සන්නාමය වන Emerald, සිය ශාඛා ජාලය තවදුරටත් පුළුල් කරමින් ඔවුන්ගේ නවතම ශාඛාව අංක 345, ආර්. ඒ. ද මෙල් මාවත, කොළඹ 03 හිදී පසුගියදා විවෘත කරන ලදී. මෙම සුවිශේෂී අවස්ථාව තුළින්, ඉහළ ගුණාත්මකභාවයෙන් සහ නවීනත්වයෙන් සපිරි පිරිමි නිමි ඇඳුම් සිය පාරිභෝගිකයින්ට ලබාදීම කෙරෙහි Emerald හි කැපවීම මනාව විදහා දැක්විණි.

මෙම අවස්ථාව සඳහා Emerald සමූහයේ කළමනාකාරීත්වය, කාර්ය මණ්ඩලය, හවුල්කරුවන්, පාරිභෝගිකයින් සහ විලාසිතා ක්ෂේත්‍රයේ ප්‍රවීණයන් රැසක් සහභාගී වූහ. කාර්යාලයට සහ එදිනෙදා ගමනට බිමනට ගැලපෙන විලාසිතාවන් වලින් යුත්  Emerald හි නවතම පිරිමි ඇඳුම් එකතුව දැකබලා ගැනීමට මෙහිදී ඔවුන්ට අවස්ථාව හිමි විය.

මෙම නවතම ශාඛාව විවෘත කිරීම පිළිබඳව සිය අදහස් දක්වමින් Emerald International හි කළමනාකාර අධ්‍යක්ෂ, ඒ.එෆ්.එම්. ඉක්රම් මහතා මෙසේ සඳහන් කළේය. “ශ්‍රී ලංකාවේ නිමි ඇඳුම් කර්මාන්තය තුළ සාර්ථකත්වය සොයා යන අපේ ගමන්මඟට එක්වූ අලුත්ම පරිච්ඡේදය මෙයයි. ශ්‍රී ලාංකේය මහත්වරුන් වෙනුවෙන් උසස් තත්ත්වයෙන් සහ සුවපහසුවෙන් යුත් නිමි ඇඳුම් ලබා දීමට අප නිරතුරුවම කැපවී කටයුතු කරනවා.”

“අප සෑම විටම අපගේ පාරිභෝගිකයින්ට ජාත්‍යන්තර මට්ටමේ වටිනාකමකින් යුත් නිමි ඇඳුම් පිරිනැමීමට කටයුතු කරනවා. විවිධ මොස්තරයන්ගෙන් සහ උසස් තත්ත්වයෙන් යුත් නිමි ඇඳුම් ලබාදීම තුළින් පාරිභෝගික තෘප්තිය ඉහල නැංවීම උදෙසා අප දක්වන කැපවීම මෙම නවතම ශාඛාව විවෘත කිරීම තුළින් පිළිබිඹු වෙනවා. මින් පෙර අත්නොවිඳි ආකාරයේ සුවිශේෂී අත්දැකීමක් Emerald තුළින් අපගේ පාරිභෝගිකයන්ට ලබාදීමට අප කටයුතු කරනවා.” විධායක අධ්‍යක්ෂ එම්.එම්.එම් ඉහ්සාන් මහතා පවසා සිටියේය.

ප්‍රධාන ව්‍යාපාරික නිලධාරී අහමඩ් ඉක්‍රම් මහතා ද මෙසේ අදහස් දැක්වීය. “මෙම නවතම ශාඛාව විවෘත කිරීම තුළින් අප මෙතෙක් ලබා ඇති සාර්ථකත්වය සංකේතවත් කරනවා. අප අපගේ සියලුම ශාඛා හරහා අපගේ පාරිභෝගිකයින්ට සුවිශේෂී සාප්පු සවාරී අත්දැකීමක් ලබාදීමට නිරතුරුවම කටයුතු කරනවා”

මෙම සාර්ථකත්වය සඳහා උරදුන් සිය කණ්ඩායමේ සාමූහික උත්සාහය අගයමින් මෙහෙයුම් කළමනාකාර ඉජාස් ඉහ්සාන් මහතා පැවසුවේ,”මෙම නවතම ශාඛාව විවෘත කිරීම අප කණ්ඩායමෙහි නොසැලෙන කැපවීමේ සහ මහන්සියේ ප්‍රතිඑලයක්. Emerald  වෙත පැමිණෙන සෑම පාරිභෝගිකයෙකුටම උසස් තත්ත්වයේ සේවාවක් සහ විශිෂ්ට පාරිභෝගික අත්දැකීමක් ලබාදීමට අපි සෑමවිටම කටයුතු කරනවා.” යනුවෙනි.

ඔබත් අදම කොළඹ 03හි පිහිටි නවතම Emerald ශාඛාව වෙත පැමිණ, Emerald Formals, Majesty, ED’s Array, Leonardo Collection, chinos, polos, casual shirts, denim, Utilitech pants, innerwear සහ Emerald perfume එකතුව අත්දැක, මිලදී ගන්න.

The post Emerald සිය නවතම ශාඛාව කොළඹ 03 හිදී විවෘත කරයි appeared first on Adaderana Biz Sinhala | Sri Lanka Business News.