‘DFCC රටවිරු’ ගිණුම් හිමියන්ට වාර්ෂිකව 5% ක තරගකාරී පොලී අනුපාතයක් මෙන්ම, විදේශ රැකියා නියුක්තිකයන් සහ ඔවුන්ගේ පවුල්වල සාමාජික සාමාජිකාවන් වෙනුවෙන්ම හඳුන්වා දී ඇති තවත් ප්‍රතිලාභ රාශියක්ද හිමි වේ. මෙම ප්‍රතිලාභ අතරට නොමිලේ හිමි වන ඩෙබිට් කාඩ්පතක්, ණය හා වෙනත් තෝරාගත් බැංකු සේවාවන් සඳහා විශේෂ පොලී අනුපාත සහ ප්‍රමුඛතා බැංකු සේවා සහය ඇතුළු ප්‍රතිලාභ රැසක් ඇතුළත්ය. එමෙන්ම ගිණුම් හිමියන්ගේ පවුල්වල සාමාජිකයන් (ශ්‍රී ලංකාවේ වෙසෙන) වෙනුවෙන් සුවිශේෂී සහන පැකේජයක් යටතේ හිමි වන රෝහල්ගත කිරීම් රක්ෂණාවරණයක්ද මීට ඇතුළත් කර තිබේ.
“DFCC රටවිරු ගිණුම යනු එතෙර සිට මෙතෙරට මුදල් එවමින් තම ආදරණීයයන්ට අත්වැලක් වන අතරම රටේ ආර්ථිකයට සුවිශාල දායකත්වයක් ලබා දෙන විදේශ රැකියා නියුක්තිකයන්ගේ මෙහෙවර ඇගයීම සඳහා හඳුන්වා දුන් සුවිශේෂී ගිණුමක්. එය හුදෙක් ඉතිරි කිරීමෙන් ඔබ්බට ගිය, මූල්‍ය යහපැවැත්ම, සරලත්වය සහ සහයෝගය මූලික කරගත් ගිණුමක් ලෙස හැඳින්විය හැකියි. අනවශ්‍ය සංකීර්ණතා ඉවත් කරමින්, ගිණුම් හිමියන්ට තම ගිණුම්වලට පහසුවෙන් පිවිසෙමින් තම මුදල් හොඳින් කළමනාකරණය කරගැනීමටත්, අර්ථවත් ලෙස භාවිතා කිරීමටත් මෙමගින් අවස්ථාව සැලසෙනවා. මෙය හුදෙක් බැංකු සේවාවක් පමණක් නොවෙයි. මෙය අපගේ ගිණුම් හිමියන් ලොව කොහේ සිටියත් ඔවුන්ට අත්වැලක් වීම සඳහා අප ලබා දී ඇති ප්‍රතිඥාවේ ප්‍රතිඵලයක්.” DFCC බැංකුවේ ජ්‍යෙෂ්ඨ උප සභාපති (ජාත්‍යන්තර බැංකු සේවා, ප්‍රේෂණ සහ ව්‍යාපාර සංවර්ධන) ඇන්ටන් ආරුමුගම් මහතා අප සමඟ පැවසීය.
‘DFCC රටවිරු’ ගිණුම් හිමියන්ට DFCC Online සහ DFCC ONE වැනි ඩිජිටල් මාධ්‍ය ඔස්සේ ඕනෑම වේලාවක ඕනෑම ස්ථානයක සිට සුරක්ෂිත ලෙස තම ගිණුමට පිවිසී ගිණුමකින් ගිණුමකට මුදල් මාරු කිරීම, බිල්පත් ගෙවීම සහ තම මූල්‍ය කටයුතු කළමනාකරණය කිරීම සිදු කළ හැකි වේ. ඉතාමත් පහසු ක්‍රියාවලියක් ඔස්සේ ‘DFCC රටවිරු’ ගිණුමක් විවෘත කළ හැකි අතර, විදෙස්ගතව සිටින ගනුදෙනුකරුවන්ට අවශ්‍ය සහය කඩිනමින් ලබාදීම සඳහා DFCC බැංකුවේ පාරිභෝගික සේවාව සූදානමින් සිටී.
සුරක්ෂිත සහ නීත්‍යානුකූල ප්‍රේෂණ ක්‍රමවේදයක් භාවිතා කිරීම දිරිගැන්වීම ‘DFCC රටවිරු’ ගිණුමේ තවත් අරමුණකි. තමන් දුක්මහන්සි වී උපයාගෙන තම ආදරණීයයන් වෙත එවන මුදල් සුරක්ෂිත ලෙස ඔවුන් වෙත ලැබෙන බව තහවුරු කරගැනීම සඳහා විදේශ රැකියා නියුක්තිකයන් මෙලෙස නීත්‍යානුකූල ක්‍රම භාවිතා කිරීම අතිශයින් වැදගත්ය.
ශ්‍රී ලංකාවේ මෙන්ම විදේශ රටවල වෙසෙන ශ්‍රී ලාංකිකයන්ට විශ්වාසනීය හා ප්‍රායෝගික මූල්‍ය සේවාවන් පිරිනමනින්, මෙරට වඩාත්ම පාරිභෝගික-කේන්ද්‍රීය බැංකුව මෙන්ම වඩාත්ම පහසුවෙන් ගනුදෙනු කළ හැකි බැංකුව බවට පත් වීම DFCC බැංකුවේ අරමුණයි. ‘DFCC රටවිරු’ ගිණුම යනු එම අරමුණ ඉටුකර ගැනීම සඳහා DFCC බැංකුව විසින් තබන ලද තවත් වැදගත් ඉදිරි පියවරක් ලෙස හැඳින්විය හැක.
The post DFCC බැංකුව විදේශ රැකියා නියුක්තිකයන් සහ ඔවුන්ගේ පවුලේ සාමජිකයින් සවිබල ගැන්වීම සඳහා ‘DFCC රටවිරු’ ගිණුම හඳුන්වා දෙයි appeared first on Adaderana Biz Sinhala | Sri Lanka Business News.
Source From biz.adaderana
Author: Bizweb2 Bizweb2
#SriLanka #News #lka