Cable Solutions Limited මූලික කොටස් නිකුතුවට ඉහළ ඉල්ලුමක්

අද (23) දින විවෘත වූ Cable Solutions Limited සමාගමේ මූලික මහජන කොටස් නිකුතුවට අධිදායකත්වයක් ලැබී තිබේ.

මේ හේතුවෙන් මෙම කොටස් නිකුතුව අද පස්වරු 4.30 ට වසා දැමීමට කටයුතු කරනු ලැබූ බව නිකුතුවේ ලේඛකාධිකාරී සමාගම විසින් කොළඹ කොටස් වෙළෙඳපොළ වෙත දැනුම් දී තිබේ.

මෙම නිකුතුවේ දී දායකත්වය සඳහා ඡන්ද බලය හිමි සාමාන්‍ය කොටස් 80,786,600 ක් ඉදිරිපත් කෙරුණි. එහිදී Offer for Subscription සහ Offer for Sale යන ක්‍රමවේදයන් දෙකට අනුව මෙම කොටස් අර්පණය සිදුකර තිබුණි. ඒ එක් කොටසක් රු. 7.50 බැගිනි.

ඒ අනුව මෙම මූලික මහජන කොටස් නිකුතුව හරහා රු. 605,899,500/- ක් රැස්කර ගැනීමට පියවර ගෙන තිබුණි.

 

The post Cable Solutions Limited මූලික කොටස් නිකුතුවට ඉහළ ඉල්ලුමක් appeared first on Adaderana Biz Sinhala | Sri Lanka Business News.