2025 සංචාරක පැමිණීම ලක්ෂ 5ට ආසන්න වෙයි

2025 පෙබරවාරි මාසය අවසන් වීමත් සමඟ මෙරටට පැමිණ ඇති සමස්ත සංචාරකයින් සංඛ්‍යාව 485,102ක් බව ශ්‍රී ලංකා සංචාරක සංවර්ධන අධිකාරිය පවසයි.

එම අධිකාරිය සිය නවතම වාර්තාවන් ඉදිරිපත් කරමින් පෙන්වා දෙන්නේ පෙබරවාරි මාසයේ පළමු දින 27 තුළ පමණක් 232,341 ක සංචාරකයින් පිරිසක් මෙරටට පැමිණ ඇති බවයි.

පෙබරවාරි මාසයේ සෑම දිනක් තුළම 6400 ඉක්ම වූ සංචාරකයින් පිරිසක් පැමිණ ඇති අතර 10,815ක වැඩිම සංචාරක පැමිණීම වාර්තා වී ඇත්තේ පෙබරවාරි 22 වන දිනයි.

මෙම කාල සීමාව තුළ දී ද අඛණ්ඩව 34,006ක වැඩිම සංචාරක පැමිණීමක් ඉන්දියාවෙන් වාර්තා වන අතර මිට අමතරව රුසියාවෙන් 29,241ක්, එක්සත් රාජධානියෙන් 24,830ක් සහ ජර්මනියෙන් 16,720ක් ලෙස වැඩි වශයෙන් සංචාරකයින් මෙරටට පැමිණ ඇත.

The post 2025 සංචාරක පැමිණීම ලක්ෂ 5ට ආසන්න වෙයි appeared first on Adaderana Biz Sinhala | Sri Lanka Business News.