සැම්සුන් ශ්‍රී ලංකා සිය නිෂ්පාදනයන්හි ඩිජිටල් ඉන්වර්ටර් තාක්ෂණය සඳහා ලබා දෙන මෙම සුවිසල් වගකීම තුළින් වෙළෙඳපොලෙහි කල් පැවැත්ම හා තිරසාරභාවය තහවුරු කිරීමට සමත්ව සිටින්නේ පාරිභෝගිකයා වෙත මහත් අස්වැසිල්ලක් උරුම කර දෙමිනි. දිගු කාලීන භාවිතය හේතුවෙන් විදුලි උපකරණ නැවත නැවත මිලදී ගැනීම අවම වන අතර විද්්‍යුත් අපද්‍රව්‍ය අවම වීම මත පාරිසරික තිරසාරත්වයද ඉහළ නංවනු ලබයි. තවද පාරිභෝගික විශ්වාසය මෙන්ම නිෂ්පාදනයන්හි කාර්ය සාධනය තහවුරු කරන මෙම වගකීම් සහතිකය සැම්සුන්හි නව්‍යකරණ විශිෂ්ටත්වයද මනා ප්‍රදර්ශනය කිරීමට සමත් වේ.
සැම්සුන් ශීතකරණ හා රෙදි සෝදන යන්ත්‍රයන්හි අන්තර්ගත මෙම ඩිජිටල් ඉන්වර්ටර් තාක්ෂණය (Digital Inverter Technology) බලශක්තිය කාර්යක්ෂමතාව, කාර්යසාධනය, හා එම උපකරණයන්හි ආයු කාලය ඉහළ නැංවීමට හේතු වේ. එහි ඇති ශක්තිමත් චුම්භක හේතුවෙන් ඝර්ෂණය අවම කරන අතර ඒ නිසා රෙදි සෝද්න යන්ත්‍ර ශබ්දයකින් තොරව පහසුවෙන් ක්‍රියා කිරීම සිදු වේ. නඩත්තුව අවම වීමද මෙහි ඇති තවත් වාසියක් ලෙස සඳහන් කළ හැකිය. අවම පිරිවැයක් යටතේ මනාව රෙදි සෝදා හැරීමට එම තාක්ෂණය සමත්ව වන අතර එහි බුරුසු රහිත සැලසුම හා සෙලවීම අවම වීමද දිගු ආයු කාලයක් සහතික කරනු ලබයි.
සැම්සුන් රෙදි සෝදන යන්ත්‍ර එසේ වන විට සැම්සුන් ශීතකරණයන්හි ඩිජිටල් ඉන්වර්ටර් කොම්ප්‍රෙෂරයද නොවෙනස් වේගයකින් ක්‍රියාත්මක වෙමින් ඉහළ කාර්යක්මතාවක් සහ ස්ථාවර උෂ්ණත්වයක් සහතික කරනු ලබයි. එහි ප්‍රතිඵලයක් ලෙස සැලකිය යුතු ලෙස වියදම් අවම කිරීමට සැම්සුන් ශීතකරණ සමත් වන්නේ අවම කාබන් විමෝචනයක් සහ අවම ශබ්දයක්ද සමඟිනි. ඒ නිසාම ඊට දිගු ආයු කාලයක්ද නොමඳව හිමි වන බව නොරහසකි. මේ නවතම තාක්ෂණය තුළින් පිළිබිඹු වන කරුණක් වන්නේ බලශක්ති සංරක්ෂණය හා මෙහෙයුම් කාර්යක්ෂමතාව සඳහා වන සැම්සුන්හි කැපවීමයි.
තවද සැම්සුන් නිෂ්පාදනයන්හි අන්තර්ගත ඩිජිටල් ඉන්වර්ටර් තාක්ෂණය එම නිෂ්පාදනයන්හි කල් පැවැත්මටද වඩාත් වැදගත් වේ. ඒ නිසාම 20 වසරක වගකීමක් සමඟින් එම තාක්ෂණය මනාව පවත්වාගෙන යාම සඳහා අවශ්‍ය සියලු අමතර කොටස් පාරිභෝගිකයා වෙත නොඅඩුව ලබා දීමටද සැම්සුන් කටයුතු කර ඇත. භාවිත කරන්නන්ගේ එදිනෙදා ජීවිතයටද සුව පහසුවක් එක් කරන මෙය දිගු කාලීන භාවිතය හා කෙටි කාලීනව බැහැර කිරීම සිදු නොවීම මත ගෝලීය පාරිසරික ඉලක්කයන් සපුරා ගැනීමටද සැම්සුන් වෙත අවස්ථාව උදා කර දෙයි.
තිරසාරභාවය නිවසින් ආරම්භ වන බව විශ්වාස කරන සැම්සුන් 20 වසරක වගකීම් සහතිකය තුළින් එය නිවසට ගෙන ඒමට සමත්ව ඇත්තේ නව්‍ය විසඳුම්ද සමඟිනි. කාලය, ශ්‍රමය පමණක් නොව මුදල්ද පිරිමැසීමට දායක වෙමින් පාරිභෝගිකයින්ගේ නිරන්තර තේරීම බවට පත් වන්නට සැම්සුන් සන්නාමයට හැකි වී තිබේ.
මෙම සුවිශේෂී වගකීම් කාලයට අමතරව පසුගියදා LMD පාඨකයින් විසින් ‘ගෘහ විදුලි උපකරණ’ කාණ්ඩයේ Most Loved Brands Awards 2024 ලෙස සැම්සුන් ශ්‍රී ලංකා නම් කරන ලදී. විශිෂ්ට සමීක්ෂණ හා පාරිභෝගික ප්‍රතිචාර පදනම් කර ගනිමින් සිදු කරන ලද මෙම ඇගයීම තුළින් සැම්සුන් පාරිභෝගිකයා වෙත ලබා දෙන ප්‍රතිපෝෂණය, පාරිභෝගිකයා පිළිබඳ අවබෝධය, වෙළෙඳපොල කාර්ය සාධනය මෙන්ම විශිෂ්ටත්වය වෙනුවෙන් සැම්සුන්හි කැපවීම මනාව ප්‍රදර්ශනය කරනු ලබයි.
එසේම අඛණ්ඩව වසර 18ක් තිස්සේ මෙරට අංක 1 රූපවාහිනී නිෂ්පාදන සන්නාමය බවට පත්ව ඇති සැම්සුන් පවුලේ විනෝදාස්වාදයේ පුරෝගාමියා ලෙස සිය විශිෂ්ටත්වය තහවුරු කොට ඇත. ඒ සමඟ ගුණාත්මක හා ඉහළ ප්‍රමිතියෙන් යුත් නවෝත්පාදන සහිත ගෘහ විදුලි උපකාරණ නිෂ්පාදන සන්නාමයක් ලෙස සැම්සුන් ලබා ඇති ජනප්‍රියත්වය මනාව තහවුරු කිරීමටද හැකි වී තිබේ.
වෙනස්වන පාරිභෝගික අවශ්‍යතාවන් සපුරාලීම සඳහා විවිධ නිෂ්පාදන හා සේවාවන් රැසක් පාරිභෝගිකයින් වෙත පිරිනමැමීමට කටයුතු කර ඇති සැම්සුන් විදුලි උපකරණයන්හි හෙට දවස වෙනුවෙන් සුවිශේෂී සන්ධිස්ථාන රැසක් සනිටුහන් කිරීමට සමත්ව ඇත්තේ නවෝත්පාදනය වෙනුවෙන් කැපවෙමිනි. තිරසාරභාවය, කල්පැවැත්ම සහ පාරිභෝගික තෘප්තිය වෙනුවෙන් කැපවෙමින් 20 වසරක වගකීම, ගෘහස්ත විදුලි උපකරණ ක්ෂේත්‍රයේ විශිෂ්ටත්වය සඳහා නව ප්‍රමිතීන් සකස් කිරීම මෙන්ම පාරිභෝගිකයින්ට තිරසාර ජීවන රටාවක් උරුම කර දීමට කටයුතු කිරීම තුළින් සැම්සුන් සිය විශිෂ්ටත්වය තහවුරු කිරීමට සමත්ව ඇත.
The post සැම්සුන්, රෙදි සෝදන යන්ත්‍ර හා ශීතකරණ වෙනුවෙන් 20 වසරක අසමසම වගකීමක් ලබා දෙයි appeared first on Adaderana Biz Sinhala | Sri Lanka Business News.
Source From biz.adaderana
Author: Bizweb2 Bizweb2
#SriLanka #News #lka