සංචාරක ව්‍යාපාරය නංවාලීම සඳහා ශ්‍රීලංකන් ගුවන් සේවය වෙතින් ප්‍රථම වරට නේපාල මාධ්‍යවේදීන් වෙනුවෙන් සුවිශේෂී සංචාරක වැඩසටහනක්

ශ්‍රී ලංකාව, නේපාල සංචාරකයන්ගේ ප්‍රමුඛතම සංචාරක ගමනාන්තයක් ලෙස ප්‍රවර්ධනය කිරීමේ අරමුණින් සංචාරක වැඩසටහනක් පැවැත්වීමට ශ්‍රීලංකන් ගුවන් සේවය කටයුතු කළේය. මෙම වැඩසටහන සඳහා නේපාලයේ ප්‍රමුඛතම මාධ්‍ය ආයතන නියෝජනය කරමින් මාධ්‍යවේදීන් පිරිසක් සහභාගී වූහ. ඔවුන් මෙරට සම්ප්‍රදායික හා සංස්කෘතික ආකර්ෂණීය ස්ථාන , දේශීය ආහාරපාන , සුන්දර වෙරළ තීරයන් , ස්වාභාවික මං පෙත් සහ සාප්පු සවාරි ඇතුළු විනෝදාස්වාද අංගයන් අත්විඳිනු ලැබීය.

නේපාල මාධ්‍යවේදීන් වෙනුවෙන් ප්‍රථම වරට සංවිධානය කළ මෙම වැඩසටහන සඳහා ආගන්තුක සත්කාර සහ සැපයුම් සහකරු ලෙස Jetwing Hotels ආයතනය ශ්‍රීලංකන් ගුවන් සේවය හා එක්ව සංවිධාන කටයුතු සිදු කළේය. ශ්‍රී ලංකාවේ ජාතික ගුවන් සේවය ලෙස මෙවැනි වැඩසටහන් සංවිධානය කිරීම ඔස්සේ ශ්‍රී ලංකාව සංචාරක ගමනානන්තයක් ලෙස ලොව පුරා ප්‍රචලිත කරවීම ශ්‍රීලංකන් ගුවන් සේවයේ  අරමුණයි.   

 

The post සංචාරක ව්‍යාපාරය නංවාලීම සඳහා ශ්‍රීලංකන් ගුවන් සේවය වෙතින් ප්‍රථම වරට නේපාල මාධ්‍යවේදීන් වෙනුවෙන් සුවිශේෂී සංචාරක වැඩසටහනක් appeared first on Adaderana Biz Sinhala | Sri Lanka Business News.