ශ්‍රී ලංකාවට ආනයනය කළ BYD පළමු වාහන තොගය බෙදාහැරීම ඇරඹෙයි. වාහන 3,000ක් ඇණවුම් කරලා

මේ වන විට BYD මෝටර් රථ වෙනුවෙන් 3,000ක පමණ ඇණවුම් ප්‍රමාණයක් ලැබී ඇති බවත් එම සියලු වාහන එළඹෙන මැයි – ජූනි පමණ විට බෙදාහැරීමට හැකිවනු ඇති බවත් John Keells සමූහයේ සිල්ලර වෙළෙඳ අංශ සභාපති චරිත සුබසිංහ මහතා අද දෙරණ වෙත පැවසීය.

නව බලශක්ති වාහන (NEV) ක්ෂේත්‍රයේ ගෝලීය ප්‍රමුඛයා වන BYD ආනයන සීමා ඉවත් කිරීමෙන් පසු ශ්‍රී ලංකාවට ආනයනය කළ ප්‍රථම BYD පාරිභෝගික වාහන පෙළ බෙදාහැරීම අද (27) දින ආරම්භ කරනු ලැබූ අතර එම අවස්ථාවට එක්වෙමින් John Keells සමූහයේ සිල්ලර වෙළෙඳ අංශ සභාපති චරිත සුබසිංහ මහතා මේ බව පැවසීය.

BYD මෙරට බලයලත් බෙදාහරින්නා ලෙස කටයුතු කරන John Keells CG Auto (JKCG Auto) BYD හි නව බලශක්ති වාහන ශ්‍රී ලාංකීය පාරිභෝගිකයා වෙත හඳුන්වා දීමේ සමාරම්භය සනිටුහන් කරමින් විශේෂ උත්සවයකදී ආනයනය කළ පළමු රථවාහන පෙල නිල වශයෙන් පාරිභෝගිකයින් වෙත භාර දීම මේ අනුව අද දින ආරම්භ කරන ලදී.

මේ වන විට ආනයනය කරන ලද පළමු BYD වාහන තොගය පසුගිය මාර්තු 14 වැනි දින ශ්‍රී ලංකාවට ළඟා වූ මෙම රථ වාහන අතර BYD SEALION 6, BYD ATTO 3, BYD DOLPHIN ඇතුලු තවත් රථ වාහන මාදිලි කිහිපයක් ඇතුළත් විය. එහිදී BYD මෝටර් රථ 462ක් ආනයනය කර තිබුණි.

The post ශ්‍රී ලංකාවට ආනයනය කළ BYD පළමු වාහන තොගය බෙදාහැරීම ඇරඹෙයි. වාහන 3,000ක් ඇණවුම් කරලා appeared first on Adaderana Biz Sinhala | Sri Lanka Business News.