තරුණයින් අතර ඵලදායීතාව සහ කාර්යක්ෂමතාව ඉහළ නංවාලමින් ශ්‍රී ලංකාවේ ආර්ථිකය නගා සිටුවීම සඳහා සැලසුම් කර ඇති ජාතික මුලපීරීමක් වන “වැඩ සංස්කෘතිය” ව්‍යාපෘතිය ක්‍රියාත්මක කිරීම සඳහා ජාතික තරුණ සේවා සභාව විසින් ව්‍යාපෘති යෝජනාවක් සකස් කරනු ලැබ ඇත.
මෙම ව්‍යාපෘතිය 2024 ජුනි මස සිට අගෝස්තු මස දක්වා ක්‍රියාත්මක කිරීමට අපේක්ෂා කරන අතර, එමඟින් ඵලදායිතාව ප්‍රවර්ධනය කිරීම, විශිෂ්ටත්වය හඳුනාගැනීම, තරුණයින් සම්බන්ධ කර ගැනීම, වැඩ සංස්කෘතියක් දිරිමත් කිරීම සහ ශ්‍රී ලාංකීය තරුණයින් අතර අභිප්‍රේරණය පවත්වා ගැනීම අරමුණු කරයි.
ඒ අනුව, තරුණ සංවර්ධන වැඩසටහන යටතේ ජනාධිපති කාර්යාලයට වෙන් කර ඇති අරමුදල්වලින් ජාතික තරුණ සේවා සභාව හරහා ශ්‍රී ලාංකික තරුණ ව්‍යවසායකයින් හා ශ්‍රම බලකාය දිරිගැන්වීමේ “වැඩ සංස්කෘතිය” ව්‍යාපෘතිය ක්‍රියාත්මක කිරීම පිණිස ජනාධිපතිවරයා ඉදිරිපත් කළ යෝජනාව අමාත්‍ය මණ්ඩලය විසින් අනුමත කරන ලදී.
The post “වැඩ සංස්කෘතිය” ක්‍රියාවට නංවන්න ජනපතිගෙන් යෝජනාවක් appeared first on Adaderana Biz Sinhala | Sri Lanka Business News.
Source From biz.adaderana
Author: Biz Editor
#SriLanka #News #lka