2025 ජනවාරි 30 වන දා ගිවිසුමකට අත්සන් තැබීමත් සමගින් මෙම උපායමාර්ගික හවුල්කාරීත්වය නිල වශයෙන් ආරම්භ වූ අතර, සම්පත් බැංකුවේ පුළුල් ශාඛා ජාලය සහ ඩිජිටල් ශක්‍යතාවන් උපයෝගී කරගනිමින් ගනුදෙනුකරුවන් හට යූනියන් ඇෂුවරන්ස් හි නිෂ්පාදන වෙත පහසුවෙන් පිවිසීමට අවස්ථාව හිමි වේ. මෙම හවුල්කාරිත්වය අනුව බැංකු ගනුදෙනුකරුවන්ගේ මුල්‍ය ආරක්ෂාව සහතික කරමින් ඔවුනගේ දිගුකාලීන පැවැත්ම සඳහා කාර්යක්ෂම සේවාවක් සපයනු ලබයි.
නවෝත්පාදන සහ පාරිභෝගික කේන්ද්‍රීය විසඳුම් ලබා දීම සඳහා නිරන්තරයෙන් කටයුතු කරන ශ්‍රී ලංකාවේ මුල්‍ය සේවා අංශයේ විශිෂ්ටයින් දෙදෙනකුගේ එකතු වීමක් ලෙස මෙම සහයෝගීතාවය වඩාත් කැපී පෙනේ. සම්පත් බැංකුව සහ යූනියන් ඇෂුවරන්ස් ආයතනය, දශක හතරකට ආසන්න කාලයක් පුරාවට ශ්‍රී ලාංකිකයන්ට මුල්‍යමය ඉලක්කයන් කරා ළඟා වීමට අනුපමේය කාර්යභාර්යයක් ඉටු කර දී තිබේ. එබැවින් රටේ මුල්‍ය ක්ෂේත්‍රය පිළිබඳව මෙන්ම ලාංකේය ජන විඥානය පිළිබඳව ද මනා අවබෝධයක් සතු මෙම ආයතනික සහයෝගීතාවයට විශේෂඥ වටිනාකමක්ද එකතු වනු ඇත.
මේ සම්බන්ධයෙන් අදහස් දැක්වූ සම්පත් බැංකුවේ කළමනාකාර අධ්‍යක්ෂ අයෝධ්‍යා ඉද්දවෙල පෙරේරා මහත්මිය මෙසේ පැවසුවාය. “මෙරට මුල්‍ය සේවාවන්හි නව සන්ධිස්ථානයක් සනිටුහන් කරමින්, යූනියන් ඇෂුවරන්ස් ආයතනය සමග මෙම සුවිශේෂී සහයෝගීතාවය ඇති කර ගැනීමට හැකිවීම සම්බන්ධයෙන් අප සතුටට පත් වෙනවා. යූනියන් ඇෂුවරන්ස් ආයතනයේ නවතම ජීවිත රක්ෂණ විසඳුම් අපගේ පුළුල් පරාසයකින් යුත් නිෂ්පාදන කළඹට එකතු කිරීමත් සමග අපගේ ගනුදෙනුකරුවන්ට ඒ සඳහා වඩාත් පහසුවෙන් සහ ආරක්ෂාකාරි ලෙස ප්‍රවිශ්ට වීමට ඉඩකඩ සලසා දීමට අප කටයුතු යොදනවා. මෙම සහයෝගීතාවය තුළින් පාරිභෝගික කේන්ද්‍රීය නවෝත්පාදනයන් කෙරෙහි ආයතන යුගලය දක්වන විශිෂ්ටත්වය සහ කැපවීම මනාව ඉස්මතු වනවා සේම ශ්‍රී ලාංකිකයන්ගේ ගතික අවශ්‍යතාවන් වඩා හොඳින් සපුරාලීමට ද හැකියාව ලැබෙනවා’’
“ශ්‍රී ලංකාවේ බැංකු ක්ෂේත්‍රයේ ප්‍රමුඛයෙකු වන සම්පත් බැංකුව සමඟ අපගේ සුවිශේෂී බැංකු රක්ෂණ සහයෝගීතාවය නිවේදනය කරන්නට ලැබීම අපට විශාල ආඩම්බරයක්. මෙම සහයෝගීතාවය, අප ආයතන දෙකෙහිම වටිනාකම් වලට නව අරුතක් ගෙන දෙමින් සහ ගනුදෙනුකරුවන්ට මුල්තැන ලබා දෙමින් උසස් තත්ත්වයේ විසඳුම් ලබා දීමට අවස්ථාව උදා කරනවා. සම්පත් බැංකු ගනුදෙනුකරුවන්ගේ විවිධ වූ අවශ්‍යතාවන් අනුව, ඔවුන්ගේ මුල්‍ය සැලසුම්කරණයට ගැලපෙන ජීවිත රක්ෂණ විසඳුම් ලබා දීමට සඳහා අපගේ විශේෂඥ හැකියාව සම්පත් බැංකුවේ උසස් තාක්ෂණය සමග උපයෝගී කර ගැනීමට අපි කැප වී කටයුතු කරනවා’’ යැයි යූනියන් ඇෂුවරන්ස් හි ප්‍රධාන විධායක නිලධාරී සෙනත් ජයතිලක මහතා පැවසීය.
වම්පස සිට අසුන්ගෙන සිටින පිරිස – යූනියන් ඇෂුවරන්ස් හි ප්‍රධාන මුල්‍ය නිලධාරී හිමානි වීරසේකර, යුනියන් ඇෂුවරන්ස් හි ප්‍රධාන හවුල්කාරීත්ව බෙදාහැරීම් නිලධාරිනි වත්සලා අලුත්ගෙදර, යුනියන් ඇෂුවරන්ස් හි ප්‍රධාන විධායක නිලධාරී සෙනත් ජයතිලක, සම්පත් බැංකුවේ කළමනාකාර අධ්‍යක්ෂ අයෝධ්‍යා ඉද්දවෙල පෙරේරා, සම්පත් බැංකුවේ ප්‍රධාන මුල්‍ය නිලධාරී අජන්ත ඩී වාස් ගුණසේකර සහ සම්පත් බැංකුවේ ජ්‍යෙෂ්ඨ නියෝජ්‍ය සාමාන්‍යාධිකාරි – (අලෙවි, පාරිභෝගික සේවා සහ කාඩ්පත්) තාරක රන්වල
යුනියන් ඇෂුවරන්ස් හි ප්‍රධාන විධායක නිලධාරී සෙනත් ජයතිලක මහතා සහ සම්පත් බැංකුවේ කළමනාකාර අධ්‍යක්ෂ අයෝධ්‍යා ඉද්දවෙල පෙරේරා මහත්මිය අතර ගිවිසුම හුවමාරු කර ගත් අයුරු.. එමෙන්ම (වමේ සිට දකුණට) යුනියන් ඇෂුවරන්ස් හි ප්‍රධාන හවුල්කාරීත්ව බෙදාහැරීම් නිලධාරිනි වත්සලා අලුත්ගෙදර මහත්මිය, යූනියන් ඇෂුවරන්ස් හි ප්‍රධාන මුල්‍ය නිලධාරී හිමානි වීරසේකර මහත්මිය, සම්පත් බැංකුවේ ප්‍රධාන මුල්‍ය නිලධාරී අජන්ත ඩී වාස් ගුණසේකර සහ සම්පත් බැංකුවේ ජ්‍යෙෂ්ඨ නියෝජ්‍ය සාමාන්‍යාධිකාරි, (අලෙවි, පාරිභෝගික සේවා සහ කාඩ්පත්) තාරක රන්වල මහතා ඡායාරූපයේ වෙති.
The post මෙරට මුල්‍ය අංශයේ නව යුගයක් සනිටුහන් කරමින් සම්පත් බැංකුව සහ යූනියන් ඇෂුවරන්ස් සුවිශේෂී බැංකු රක්ෂණ සහයෝගීතාවයක් දියත් කරයි appeared first on Adaderana Biz Sinhala | Sri Lanka Business News.
Source From biz.adaderana
Author: Biz Editor
#SriLanka #News #lka