2022 පෙබරවාරි 03 දිනෙන් පසු සියලු කොටස් මිල දර්ශකයේ වාර්තා වූ ඉහළම අගය අද දින වාර්තා වී තිබේ.
රු. බිලියන 3.96 ක ගනුදෙනු පිරිවැටුමක් අද දින වාර්තා විය. එහිදී හැටන් නැෂනල් බැංකුව (රු. මිලියන 391), සම්පත් බැංකුව (රු. මිලියන 311) සහ ලංකා IOC (රු. මිලියන 232) යන සමාගම්වලින් දෛනික පිරිවැටුමට ඉහළ දායකත්වයක් ලැබී තිබුණි.
මෙහි ඇති විශේෂත්වය වනුයේ, කොළඹ කොටස් වෙළෙඳපොළේ ලැයිස්තුගත සමාගම් අතුරින් විශාලම සමාගම වන, ජෝන් කීල්ස් හෝල්ඩිංග්ස් පීඑල්සී හි කොටස් ගනුදෙනු තාවකාලිකව අත්හිටුවා තිබෙන පසුබිමක, එම සමාගමේ දායකත්වයක් නොමැති පසුබිමක පවා කොටස් වෙළෙඳපොළේ මෙයාකාර වර්ධනයක් වාර්තා වී තිබීමයි.
ප්‍රධාන වශයෙන් අද දින සියලු කොටස් මිල දර්ශකයේ වර්ධනයට හැටන් නැෂනල් බැංකුව, කොමර්ෂල් බැංකුව සහ සම්පත් බැංකුව යන බැංකු සමාගම් ඉහළ දායකත්වයක් ලබා දී තිබුණි.
ජෝන් කීල්ස් හෝල්ඩිංග්ස් හි සිදුකෙරෙන කොටස් අනුබෙදුම හේතුවෙන් එම සමාගමේ කොටස් ගනුදෙනු අද (29) දින සිට ගනුදෙනු දින 5ක කාලයකට තාවකාලිකව අත්හිටුවා ඇති අතර නොවැම්බර් 06 දින සිට එම සමාගමේ කොටස් ගනුදෙනු යළි ක්‍රියාත්මක වීමට නියමිතය.
ජෝන් කීල්ස් හෝල්ඩිංග්ස් කෙටි විරාමයක් ගනී
October, 28, 2024
ජෝන් කීල්ස් හෝල්ඩිංග්ස් හිමිකම් කොටස් නිකුතුව අතිසාර්ථකයි
October, 11, 2024
ජෝන් කීල්ස් හෝල්ඩිංග්ස් පෙරළියකට සැරසෙයි
July, 31, 2024
The post ප්‍රබල සාමාජිකයා නොමැතිවත් කොටස් වෙළෙඳපොළ රජ ගමනේ appeared first on Adaderana Biz Sinhala | Sri Lanka Business News.
Source From biz.adaderana
Author: Biz Editor
#SriLanka #News #lka