මිනිසුන්ට මෙන්ම සතුන්ටද, ගහ කොළටද බලපෑමක් නොවී තිරසාර අයුරින් සිය මෙහෙයුම් සිදු කිරීම කෙරෙහි අවධානය යොමු කර ඇති නෙස්ලේ ලංකා ආයතනය රුපියල් බිලියන 1.1ක මෙම ආයෝජනය තුළින් සිය නිෂ්පාදන මෙහෙයුම්හිදී වාෂ්ප නිපදවීම වෙනුවෙන් තෙල් භාවිතයේ සිට biomass භාවිතය දක්වා සංක්‍රමණය වීමට අවශ්‍ය පහසුකම් සලසනු ලබයි. මේ හේතුවෙන් අද වන විට ක්‍රියාත්මක වාෂ්ප බොයිලේරු තුළින් නිපදවෙන කාබන් විමෝචනය 90%කින් අඩු කිරීමට හැකි වනු ඇතැයි නෙස්ලේ ලංකා ආයතනය අපේක්ෂා කරයි.
2025 පෙබරවාරි 27 වන දින ගරු අමාත්‍ය සුනිල් හඳුන්නෙත්ති මැතිතුමා විසින් කුරුණෑගල නෙස්ලේ ලංකා කර්මාන්ත ශාලාවේදී මෙම බොයිලේරුව විවෘත කරනු ලැබීය. එම අවස්ථාව සඳහා ස්විස්ටර්ලන්තයේ ශ්‍රී ලංකා තානාපතනි ආචාර්ය සිරි වෝල්ට්, මධ්‍යම පරිසර අධිකාරියේ සභාපති මහාචාර්ය තිලක් හේවාවසම්, ලංකා වාණිජ මණ්ඩලයේ හිටපු සභාපති හා වාණිජ මණ්ඩලයේ ක්ලීන් ශ්‍රී ලංකා වැඩසටහනේ සභාපති විශ් ගෝවින්දස්වාමි යන මහත්ම මහත්මීන් එක් වූහ.
මේ පිළිබඳව අදහස් දක්වමින් ප්‍රධාන ආරාධිත අමුත්තා ලෙස එක් වූ කර්මාන්ත හා ව්‍යවසාය සංවර්ධන ගරු අමාත්‍ය සුනිල් හඳුන්නෙත්ති මහතා සඳහන් කර සිටියේ “ගුණාත්මකභාවය හා නවෝත්පාදනය සඳහා කැපවෙමින් නෙස්ලේ ලංකා සමාගම දේශීය ආර්ථිකය සඳහා සැලකිය යුතු දායකත්වයක් ලබා දී තිබෙනවා. රැකියා අවස්ථා උදාකර දීම, තිරසාර භාවිතයන් ඉහළ නැංවීම හා ප්‍රජා සංවර්ධන වැඩසටහන් සඳහා සහාය වන නෙස්ලේ ලංකා ආයතනය මෙම biomass බොයිලේරුව විවෘත කිරීම තුළින් පාරිසරික තිරසාරත්වය වෙනුවෙන් ඔවුන්ගේ කැපවීම හා අපගේ නවෝත්පාදනය සඳහා වන අඛණ්ඩ දායකත්වය ප්‍රදර්ශනය කර තිබෙනවා” යනුවෙනි.
මෙහිදී අදහස් දැක්වූ ශ්‍රී ලංකාවේ ස්විස්ටර්ලන්ත තානාපතිනි ආචාර්ය සිරි වෝල්ට් මහත්මිය “මැගී, මයිලෝ සහ නෙස්ටමෝල්ට් වැනි ගෘහස්ත සන්නාමයන් නිෂ්පාදනය කරමින් ශ්‍රී ලංකාව තුළ වසර 120කට ආසන්න දිගු කාලීන පැවැත්මක් තහවුරු කිරීමට නෙස්ලේ ලංකා සමත්ව සිටිනවා. එමෙන්ම තිරසාරත්වය වෙනුවෙන් 2050 වන විට කාබන් විමෝචනය අවම කිරීමේ අරමුණින් යුතුව කටයුතු කරන ප්‍රමුඛ පෙළේ ව්‍යාපාර ආයතනයක් ලෙසද එය පෙන්වා දිය හැකියි. අද දින විවෘත කරනු ලැබූ biomass බොයිලේරුව වෙනුවෙන් සිදු කළ ආයෝජනය ඊට කදිම සාක්ෂිකයක් වනවා. ස්වීස්ටර්ලන්ත – ශ්‍රී ලංකා සබඳතාවයේ ප්‍රමුඛතාවක් වන නවෝත්පාදන හා තිරසාරත්වය වෙනුවෙන් නෙස්ලේ සිදු කළ මෙම සුවිශේෂී ආයෝජනය පිළිබඳ ඉතාමත් සතුටුයි” යනුවෙන් සඳහන් කර සිටියාය.
මධ්‍යම පරිසර අධිකාරියේ සභාපති මහාචාර්ය තිලක් හේවාවසම් මහතා පවසා සිටියේ “අපගේ රජයේ ක්ලීන් ශ්‍රී ලංකා වැඩසටහනට අනුකූලව තමන්ගේ නිෂ්පාදන මෙහෙයුම් සඳහා ආයෝජනය කරමින් පිරිසිදු බලශක්ති වෙත පිවිසීමට කටයුතු කිරීම සම්බන්ධයෙන් නෙස්ලේ ලංකා සමාගමට මාගේ ස්තුතිය පුදකර සිටිනවා ” යනුවෙනි.
නෙස්ලේ ලංකා සමාගමේ කළමනාකාර අධ්‍යක්ෂ බර්නි ස්ටෙෆන් මහතා අදහස් දක්වමින් “වසර 118ක අධික දේශීය ව්‍යාපාරික මෙහෙයුම් තුළ රසවත් හා ගුණවත් තේරීමක් සමඟින් දේශීය ප්‍රජාවන් වෙත දායකත්වය ලබා දෙමින් හරිත හා පිරිසිදු ශ්‍රී ලංකාවක් තුළින් මෙරට ජනතාවට හරවත් බලපෑමක් ඇති කිරීමේ අපගේ කැපවීම යථාර්තයක් බවට පත් කිරීමට හැකි වී තිබෙනවා. අපගේ නිෂ්පාදන ක්‍රියාවලියේදී ජනනය වන කාබන් විමෝචනය අවම කිරීමට උපකාරී වන ආයෝජනයක් ලෙස පෙන්වා දිය හැකි මෙම biomass බොයිලේරුව 2050 වන විට කාබන් විමෝචනය අවම කිරීමේ අපගේ උත්සාහයට සුවිසල් දායකත්වයක් දක්වනු ඇතැයි අපි විශ්වාස කරනවා. දේශීය වශයෙන් යොදා ගත හැකි biomass සඳහා අවස්ථාවක් නිර්මාණය කරන මෙම ව්‍යාපෘතිය හේතුවෙන් විදේශික තෙල් ආනයනය කිරීමේ අවශ්‍යතාව අඩු කිරීමටද හැකියාව උදා වන බව සතුටින් සඳහන් කළ හැකියි. එසේම රජය මඟින් ක්‍රියාත්මක කර ඇති ක්ලීන් ශ්‍රී ලංකා වැඩසටහනට අනුව ශ්‍රී ලංකාවේ ආර්ථික දියුණුව වෙනුවෙන් සුවිසල් කාර්ය භාරයක් ඉටු කිරීමට අපි කැපවී කටයුතු කරන බවත් මේ මොහොතේ සඳහන් කළ යුතුයි” යනුවෙන් පවසා සිටින ලදී.
වසර 118කට වැඩි කාලයක් පුරා නෙස්ටමෝල්ට්, මයිලෝ, මැගී, මිල්ක්මේඩ් වැනි ජනප්‍රිය සන්නාමයන් තුළින් ශ්‍රී ලාංකේය පාරිභෝගික අවශ්‍යතා සපුරාලීමට සමත්ව ඇති නෙස්ලේ ලංකා 1984 වසරේදී සිය කුරුණෑගල කර්මාන්ත ශාලාව ආරම්භ කරනු ලැබීය. අද එහි 40 වැනි සංවත්සරය සමරනු ලබන්නේ ශ්‍රී ලංකාව තුළ අලෙවි වන නෙස්ලේ ලංකා නිෂ්පාදනයන්ගෙන් 90%කට වැඩි ප්‍රමාණයක් නිෂ්පාදනය කරමිනි. නෙස්ලේ ලංකා ගෝලීය පාරිභෝගික අවශ්‍යතා සපුරාලමින් මැගී පිටි කළ පොල් කිරි ලොව පුරා රටවල් 60කට අධික ප්‍රමාණයක් වෙත අපනයනය කිරීමටද නෙස්ලේ ලංකා සමාගම සමත්ව සිටියි.
(From left to right) Mr. Ruwan Welikala, Director – Corporate Affairs & Communications, Nestlé Lanka, Prof. Tilak Hewawasam, Chairman – Central Environmental Authority, Mr. Bernie Stefan, Managing Director – Nestlé Lanka, Hon. Sunil Handunneththi, Minister of Industry and Entrepreneurship Development, Mr. Samantha Ganethige, Director – Technical, Nestlé Lanka, H.E. Dr. Siri Walt, Ambassador of Switzerland to Sri Lanka and the Maldives
(From left to right) Mr. Ruwan Welikala, Director – Corporate Affairs & Communications, Nestlé Lanka, H.E. Dr. Siri Walt, Ambassador of Switzerland to Sri Lanka and the Maldives, Hon. Sunil Handunneththi, Minister of Industry and Entrepreneurship Development, Mr. Bernie Stefan, Managing Director – Nestlé Lanka, Prof. Tilak Hewawasam, Chairman – Central Environmental Authority, Mr. Vish Govindasamy, Past Chairman of the Ceylon Chamber of Commerce and Chair of the Chamber’s Clean Sri Lanka Initiatives, Mr. Samantha Ganethige, Director – Technical, Nestlé Lanka
The post නෙස්ලේ ලංකා කුරුණෑගල කර්මාන්ත ශාලාවේදී රුපියල් බිලියන 1.1ක නව ජෛව ස්කන්ධ බොයිලේරුව විවෘත කරයි appeared first on Adaderana Biz Sinhala | Sri Lanka Business News.
Source From biz.adaderana
Author: Biz Editor
#SriLanka #News #lka