දින 3කට පසු යළි කොටස් වෙළඳපොළ ඉහළට

දින තුනකට පසු කොටස් වෙළඳපොළ මිල දර්ශක වල යළි ඉහළ යාමක් අද(08) දක්නට ලැබුණි.

ඒ අනුව අද සියලු කොටස් මිල දර්ශක අගය ඒකක 99.37 කින් ඉහළ ගොස් දිනයේ ගනුදෙනු අවසානයේ දී ඒකක 15,954.01ක් ලෙසින් සටහන් වූ අතර S&P SL20 දර්ශකය ඒකක 27.12 කින් ඉහළ ගොස් ඒකක 4,816.10ක් ලෙසින් සටහන් විය.

අද සමාගම් 145ක කොටස් මිල ගණන් ඉහළ ගිය අතර සම්පත් බැංකුව, මෙල්ස්ටාකෝප්, LB ෆයිනෑන්ස් , කොමර්ෂල් බැංකුව සහ LOLC හෝල්ඩිංස් යන සමාගම් සියළු කොටස් මිල දර්ශකයට ඉහළ ධනාත්මක දායකත්වයක් ලබා දී තිබුණි.

අද ගනුදෙනු පිරිවැටුමෙහි අගය වාර්තා වූයේ රු. බිලියන 5.23 ක් ලෙසයි.

The post දින 3කට පසු යළි කොටස් වෙළඳපොළ ඉහළට appeared first on Adaderana Biz Sinhala | Sri Lanka Business News.