ජොහාන් පීරිස්, ලොව මහාද්වීප හතෙහි උසම කඳු මුදුන් හත තරණය කිරීමේ අභියෝගයට මුහුණ දෙන පළමු ශ්‍රී ලාංකිකයා

ජොහාන් පීරිස්, සිහින හඹා යාමේදී පුද්ගලයෙකු සතු ආත්ම ශක්තිය කොතරම්ද යන්නත් ‍පුද්ගලයකු සතු දරාගැනීමේ හැකියාව අසීමාන්තික බවත් කටුක හා දුෂ්කර බිම් පෙදෙස්වල කඳු තරණය කරමින් පෙන්වා දී තිබේ.

උතුරු ඇමරිකාවේ උසම කඳු මුදුන වන Denali තරණය සඳහා ඇලස්කාවේ සිට පැමිණි හය දෙනෙකුගෙන් යුත් කණ්ඩායමකට එක්වූ ජෙහාන් පීරිස් කටුක පාරිසරික තත්ත්වයන් හමුවේ  සති තුනක පමණ  ගවේෂණ කාලයක් පුරා Denali  තරණය කිරීමට මහත් වෑයමක් දරා තිබේ. එහෙත් දරුණු සුළං සහ කුණාටු හේතුවෙන් ඔහුට කඳු මුදුනට යාමට නොහැකි වී ඇත්තේ සුළඟ සහ කුණාටු තත්ත්වය හේතුවෙනි.

ස්වභාවධර්මයේ අභියෝගයන්ට එරෙහිව පෙනී සිටින ජොහාන් පීරිස්  2018 මැයි මාසයේදී එවරස්ට් කන්ද ද තරණය කළ  ශ්‍රී ලාංකික පළමු  පිරිමියායි.  එසේම මේ වන විට ඔහු ලොව මහාද්වීප හතෙහි උසම කඳු මුදුන් තරණය සඳහා මෙහෙයුමක නිරතව සිටී.  මේ වන විට ජොහාන් එම කඳු මුදුන් අතරින් කඳු මුදුන් පහක්ම තරණය කර අවසන්ය. එනම්  අසියාවේ  එවරස්ට් කන්ද , අප්‍රිකාවේ කිලිමන්ජාරෝ කන්ද , ඔස්ට්‍රේලියා  කොස්කියුස්කොව් කන්ද , දකුණු ඇමරිකාවේ ඇකොන්කාගුවා කන්ද  සහ පසුගිය දිනවල තරණය කළ උතුරු ඇමරිකාවේ  ඩෙනාලි කන්ද මේ අතර වෙයි.

Denali කඳු මුදුන එවරට්ස් තරම් උස කන්දක් නොවුණත්, ඒ  වටා ඇති ස්වාභාවික අභියෝගාත්මක පාරිසරික තත්ත්වයන් හේතුවෙන් එය එවරස්ට් කන්ද තරණය තරම්ම දුෂ්කර යැයි සැලකේ. Denali කන්ද තරණයේදී බර ඔසවාගෙන යන්නන් (පෝටර්වරුන්)  නොමැති නිසා, කඳු නඟින්නන්ට ඔවුන්ගේ බර රැගෙන යාමට සිදු වෙයි.  කඳු නඟින්නෙකු  තම පිටෙහි  රාත්තල් 30-40ක් සහ තවත් රාත්තල් 40ක් පමණ බඩු රඳවනයක් මත ඇදගෙන යාමට සිදු වෙයි. පසුගිය වකවානුවේ පැවති දැඩි කාලගුණ  තත්ත්වය හේතුවෙන් කන්ද ඉහළට නැඟීම මෙන්ම බැසීම අසීරු තත්ත්වයක් බවට පත්වී තිබිණි. Denali අවට පවතින මෙම ස්වාභාවික තත්ත්වය හේතුවෙන් කඳු නඟින්නන් අතරින් කඳු මුදුනට ළඟා වීමට හැකියාව ලැබෙනුයේ 20% කට වඩා අඩු ප්‍රමාණයකට බව වාර්තා වෙයි.

Denali තරණය පිළිබඳව අදහස් දක්වමින් ජොහාන් පවසන්නේ, “මගේ අභිප්‍රාය ජය ගැනීම සඳහා සහාය දුන් මගේ සියලුම හවුල්කරුවන්ට සහ සුබපැතුම් ගෙන ආ සැමට  ස්තුතිය පුද කිරීමට මෙය අවස්ථාව කරගන්නවා. මා මේ කඳු තරණය කිරීම සඳහා පිටත් වන විට, මුළු රටේම අපේක්ෂා  සහ සුබ පැතුම් මා වෙත පැවති බව  මම හොඳින්ම දන්නවා. පරිසරය හා ඒකාත්මික වීම හා එහි අභියෝග ජය ගැනීමට ඇති මගේ උනන්දුව දැක එවැනි කටයුතු සඳහා    ශ්‍රී ලාංකිකයන්  තුළ පෙලඹවීමක් ඇතිවනු ඇතැයි මා විශ්වාස කරනවා. මම දැනටමත් මගේ මීළඟ කදු තරණ ගවේෂණය ඉතා උනන්දුවෙන් සැලසුම් කරමින් සිටිනවා. ලෝකයේ උසම කඳු මුදුන් මත ජාතික කොඩිය එසවීමට හැකි වීම පිළිබඳව මට දැනෙන්නේ මහත් ආඩම්බරයක්.

ජොහාන්ගේ මීළඟ අරමුණ  රුසියාවේ එල්බ්‍රස් කන්ද තරණය කිරීමයි.  එල්බ්‍රස් කන්ද යනු ඩිනාලි කන්ද තරම් උස කන්දක් නොවේ. ජොහාන් පවසන්නේ ඒ නිසාම එය අභියෝගාත්මක නොවන අතර, සතියක  පමණ කාලයක් ඒ සඳහා වැය වනු ඇති බවයි.

එවරස්ට් කන්ද තරණය කිරීමට උත්සාහ කළ පළමු ශ්‍රී ලාංකිකයා බවට පත් ජොහාන් පීරිස් දින 48ක චාරිකාවකින් 2018 අප්‍රේල් 4 වන දින එවරස්ට් කන්ද තරණය කළේය. ඔහු විසින් “ජොහාන් සමඟ එවරස්ට් තරණය” නමින් ව්‍යාපාරයක් ආරම්භ කළ අතර, ස්වේච්ඡාවෙන් ඉදිරිපත් වූ වෘත්තිකයින් කිහිප දෙනෙකු ඔහුගේ ගවේෂණ වියදම් සඳහා අනුග්‍රහය දැක්වා තිබිණි.  ජොහාන්  විසින් එවරස්ට් කන්ද තරණය කිරීමේ තම පළමු උත්සාහය වූ 2016 අප්‍රේල් මාසයේදී ජයන්ති කුරු–උතුම්පල සමඟ සහයෝගයෙන් කටයුතු කළේය.  තාක්ෂණික දුෂ්කරතා හේතුවෙන් ජොහාන් පීරිස්ගේ උත්සාහය අසාර්ථක වූ නමුත් කුරු–උතුම්පල කඳු මුදුනට ළඟා වීමට සමත් විය.

මෙවර ජොහාන් පීරිස්ගේ අරමුණ සාක්ෂාත් කර ගැනීම සඳහා අනුග්‍රහය දක්වන ආයතන අතර,  ලින්ක් නැචුරල් ප්‍රොඩක්ට්ස් (Plantinum partner) ප්‍රමුඛ වෙයි. ඒ සමඟ  ආයතන කීපයක්ම ජොහාන්ගේ සහායට ඉදිරිපත් වී සිටී. මේ අතර මාධ්‍ය අනුග්‍රාහක ලෙස දෙරණ 24/7,  ගුවන්සේවා අනුග්‍රාහක ලෙස එමිරේට්ස්  ආගන්තුක ලෙස Hilton Colombo,  මෙන්ම උපකරණ අනුග්‍රාහක ලෙස Petzl  GBPG සමූහය සහ තාක්ෂණ අනුග්‍රාහක ලෙස  Kerry Logistics ද කටයුතු කරන අතර මහජන සම්බන්ධතා අනුග්‍රාහක ලෙස  GPR  කටයුතු කරයි.

අභිමාන්විත ශ්‍රී ලංකිකයෙකු වන ජොහාන් පීරිස්, කඳු නඟින්නෙකු  සහ කොණ්ඩා මෝස්තර නිර්මාණ ශිල්පියෙකි. ජොහාන් පීරිස් කලාකරුවෙකු මෙන්ම ගායකයෙකු ලෙස ඔහුගේ මුල් වෘත්තීය ජීවිතය ආරම්භ කර ඇති අතර, 1993දී කොණ්ඩා මෝස්තර නිර්මාණ ශිල්පියෙක් බවට පත්වී තිබේ. රූපලාවණ්‍යාගාර හතරක් පමණ ඔහු යටතේ  පවත්වාගෙන යන අතර ඉන් දෙකක් කොළඹ සහ දෙකක් මෙල්බර්න්හි පිහිටා ඇත.

The post ජොහාන් පීරිස්, ලොව මහාද්වීප හතෙහි උසම කඳු මුදුන් හත තරණය කිරීමේ අභියෝගයට මුහුණ දෙන පළමු ශ්‍රී ලාංකිකයා appeared first on Adaderana Biz Sinhala | Sri Lanka Business News.