සෙලින්කෝ ලයිෆ් අඛණ්ඩව 10 වන වරටත් වර්ල්ඩ් ෆයිනෑන්ස් හි ‘ශ්‍රී ලංකාවේ හොඳම ජීවිත රක්ෂණ සමාගම’ බවට පත්වෙයි

ලොව ප්‍රකට මූල්‍ය සඟරාවක් වන වර්ල්ඩ් ෆයිනෑන්ස් විසින් 2023 වසරේ ‘ශ්‍රී ලංකාවේ හොඳම ජීවිත රක්‍ෂණ සමාගම’ ලෙසට සෙලින්කෝ ලයිෆ් තෝරාගෙන ඇති අතර, එය අඛණ්ඩව 10 වැනි වරට මෙම අභිමානවත් නාමය සමාගම වෙත පුද කිරීමකි.

මෙම සම්මානය ප්‍රකාශයට පත්කරණු ලැබුවේ, ශ්‍රී ලංකා අලෙවිකරණ ආයතනය (SLIM) විසින්, සෙලින්කෝ ලයිෆ් ‘ශ්‍රී ලංකාවේ වසරේ සන්නාමය’ ලෙස අඛණ්ඩව දෙවන වසර සඳහා නම් කිරීමෙන් පසුවය. මේ අනුව රටේ ජීවිත රක්‍ෂණ වෙළෙඳ පොළ ප්‍රමුඛයා සඳහා 2023 ජාත්‍යන්තර සහ දේශීය ඇගයීම් ලද වසරක් වෙයි.

වර්ල්ඩ් ෆයිනෑන්ස් කීර්තිමත් සම්මානය අඛණ්ඩව දිනාගත් ශ්‍රී ලංකාවේ එකම ජීවිත රක්‍ෂණ සමාගම සෙලින්කෝ ලයිෆ් සමාගමයි.

වර්ල්ඩ් ෆයිනෑන්ස් සම්මානය දිනා ගැනීමෙන් සෙලින්කෝ ලයිෆ් එම සඟරාව විසින් එහි 2023 සම්මාන උළෙලේදී එක්සත් රටවල හොඳම ජීවිත රක්‍ෂණ සමාගම් ලෙසට නම් කරන ලද ඇමරිකාවේ MassMutual, එක්සත් රාජධානියේ Aviva, කැනඩාවේ Canada Life, ඕස්ටේ්‍රලියාවේ TAL, ස්විස්ටලන්තයේ Swiss Life, ප්‍රංශයේ CNP Assurance, චීනයේ hina Life Insurance Group සහ ඉන්දියාවේ Max Life Insurance යන දැවැන්තයින් අතර සිටී.

වර්ල්ඩ් ෆයිනෑන්ස් සම්මානය මගින් සෙලින්කෝ ලයිෆ් ගනුදෙනුකරුවන්ට සේවය කිරීම සඳහා සිය සමස්ත ක්‍රියාවලි කාර්යක්‍ෂමතාව සහ සබඳතා අඛණ්ඩව වැඩිදියුණු කිරීමට කැපවී සිටින සමාගමක් ලෙස ඇගයීමට ලක් කරයි.

“වර්ල්ඩ් ෆයිනෑන්ස්” සම්මානය සඳහා වන තක්සේරු නිර්ණායක ලෙස, ප්‍රතිරක්ෂණ ක්‍රියාවලි සහ ක්‍රියාවලි කාර්යක්ෂමතාව, රක්ෂණ ඔප්පුව නඩත්තු කිරීම – ගනුදෙනුකරුවන්ගේ රක්ෂණ ඔප්පු සමාලෝචනය කිරීමේ ක්‍රියාවලිය, ආවරණයේ යෝග්‍යතාවය සහ රක්ෂණ ඔප්පුවක් සඳහා පිරිවැය; අවධානමට නිරාවරණය වීම; පාරිභෝගිකයින් රඳවා ගැනීමේ අනුපාතය; වන්දි ගෙවීමට ගතවන සාමාන්‍ය කාලය; නව ගනුදෙනුකරුවන් බඳවා ගැනීමේ අනුපාතය සහ මූල්‍ය ස්ථායීතාව – වාරික ආදායම, වෙළෙඳපොල කොටස, ජීවිත අරමුදල සහ සමාගමේ ලාභය සැලකිල්ලට ගෙන තිබේ.

2023 දී අඛණ්ඩව දෙවන වසරටත් ශ්‍රී ලංකාවේ වසරේ හොඳම සන්නාමය ලෙස සම්මානයට පාත්‍ර වීමට අමතරව, සෙලින්කෝ ලයිෆ් විසින් 2023 SLIM සන්නාම විශිෂ්ඨතා සම්මාන උළෙලේදී අඛණ්ඩව තෙවැනි වසරටත් රටේ ‘වසරේ සේවා සන්නාමය’ මෙන්ම ‘වසරේ දේශීය සන්නාමය’ සහ ‘වසරේ සුචල්‍ය සන්නාමය’ දිනා ගත් අතර, ‘වසරේ CSR සන්නාමය‘ සඳහා වන සමස්ත රිදී සම්මානය ද හිමි විය. 2023 SLIM-Kantar ජනතා සම්මාන උළෙලේ දී ශ්‍රී ලංකාවේ වඩාත්ම ජනප්‍රිය ජීවිත රක්ෂණ සමාගම ලෙස 17 වන වසරටත් සම්මානය දිනූ සෙලින්කෝ ලයිෆ්, ශ්‍රී ලංකා ජාත්‍යන්තර වාණිජ මණ්ඩලය (ICCSL), ඇමරිකානු සහතික ලත් රාජ්‍ය ගණකාධිකාරී ආයතනය (AICPA) සහ වරලත් කළමනාකරණ ගණකාධිකාරී ආයතනය (CIMA) සමඟ එක්ව ශ්‍රී ලංකාවේ වඩාත්ම අගය කරන ලද සමාගම් 10 න් එකක් ලෙස නම් කරන ලදී. එම වසරේදීම, බ්‍රෑන්ඩ් ෆිනෑන්ස් විසින් ජීවිත සහ සාමාන්‍ය රක්ෂණ යන කාණ්ඩ දෙකෙහිම ‘ශ්‍රී ලංකාවේ වඩාත් වටිනා රක්ෂණ සන්නාමය’ ලෙසත් සෙලින්කෝ ලයිෆ් ශ්‍රේණිගත කර ඇත.

The post සෙලින්කෝ ලයිෆ් අඛණ්ඩව 10 වන වරටත් වර්ල්ඩ් ෆයිනෑන්ස් හි ‘ශ්‍රී ලංකාවේ හොඳම ජීවිත රක්ෂණ සමාගම’ බවට පත්වෙයි appeared first on Adaderana Biz Sinhala | Sri Lanka Business News.