‘වසරේ සේවා සන්නාමය’, ‘වසරේ දේශීය සන්නාමය’ සහ ‘වසරේ සුචල්‍ය සන්නාමය’ ලෙසින් ද තේරී පත් වූ ශ්‍රී ලංකාවේ ජීවිත රක්ෂණ අංශයේ ප්‍රමුඛයා පෙර නොවූ විරූ ලෙස මෙම සම්මාන උළෙලේ කීර්තිමත් ම සම්මාන ජයග්‍රහණය කරමින් ‘වසරේ ව්‍යාපාරික සමාජයීය වගකීම්’ සඳහා වන සමස්ත රිදී සම්මානය ද දිනා ගත්තේය.
“අඛණ්ඩව දෙවන වසරටත් සියළුම ව්‍යාපාරික ක්ෂේත්‍රවල මෙරට ප්‍රමුඛතම සන්නාමය ලෙසින් තේරීපත්වීම පිළිබඳව අපි නිසැකවම සතුතට පත් වෙමු,” යනුවෙන් සෙලින්කෝ ලයිෆ් සමාගමේ සභාපති ආර්. රෙන්ගනාදන් මහතා පවසා සිටියේය. “සන්නාම ආධිපත්‍යය සම්බන්ධයෙන් මෙයටත් වඩා වෙනත් මිණුම් ලකුණක් තිබිය නොහැකි අතර, එය ද විවිධාකාර මුහුණුවරවලින් පැමිණි අභියෝගවලින් පිරුණු වසරක් සඳහා වීම නිසා මෙම ගෞරවාන්විත කීර්තිනාමය වඩාත් ම අර්ථාන්විත වේ. මෙම සම්මානය අපගේ අලෙවිකරණ කණ්ඩායමට පමණක් නොව සෑම දිනකම අපගේ සන්නාමයේ වටිනාකම් සමඟ අහිතකර තත්ත්වයන් යටතේ වෘත්තියෙහි යෙදෙන සෑම සෙලින්කෝ ලයිෆ් සේවකයෙකුටම පිදෙන තුටු පඬුරකි.”
සෙලින්කෝ ලයිෆ් සමාගමට 2023 SLIM සන්නාම විශිෂ්ඨතා සම්මාන උළෙල විශේෂයෙන් කැපී පෙනෙන්නේ ආයතනය ශ්‍රී ලංකාවේ ‘වසරේ සේවා සන්නාමය’ අඛණ්ඩව දිනාගත් තුන්වන වසර ද වන බැවිනි. බාහිර පරිසරයේ සිදුවන වෙනස්වීම් මධ්‍යයේ සන්නාමයක නම්‍යශීලී බව හා ප්‍රතිචාරාත්මක බව මැන බලන ‘වසරේ සුචල්‍ය සන්නාමය’ ලෙසින් ආයතනය දිනාගත් රන් සම්මානය ද විශේෂ වන්නේ සෙලින්කෝ ලයිෆ් මෙම සම්මානය සඳහා ඉල්ලුම් කළ පළමු අවස්ථාව මෙය වන නිසාවෙනි. මේ අතර, වසරේ දේශීය සන්නාමය මගින් මෙරට උපත ලබා දේශීයව ගොඩ නගා, සාර්ථකත්වයේ මුදුන් පෙත්ත අත් කරගත් සන්නාම ඇගයීමට ලක් කරයි.
‘වසරේ CSR සන්නාමය’ මගින් ජනතාව හෝ පරිසරය වෙනුවෙන් තිරසාර, උපායමාර්ගික ක්‍රියාකාරකම් සිදුකරන ආයතනික හා සමාජයීය වගකීම් (CSR) තම සන්නාම උපායමාර්ගයේ අනිවාර්ය අංගයක් බව ආදර්ශනය කරන සන්නාමයන් හඳුනා ගනියි. සෙලින්කෝ ලයිෆ් හි ප්‍රජා සුබසාධන සහ තිරසාරබව සම්බන්ධ විධාකාර මුහුණුවරවලින් යුත් පරිශ්‍රමයන් අතරට පන්තිකාමර සඳහා ගොඩනැගිලි ඉදිකර පරිත්‍යාග කිරීම, රෝහල් සඳහා අත්‍යාවශ්‍ය වෛද්‍ය උපකරණ පරිත්‍යාග කිරීම, නොමිලේ සේවාවන් සපයන ‘වෛද්‍ය හමුව’ සෞඛ්‍ය කඳවුරු පැවැත්වීම සහ ප්‍රධාන රෝහල්වල අධි පරායත්ත ඒකක (HDUs) සංවර්ධනය හා නඩත්තු කිරීම ඇතුලත් වන අතර, ඒ සියලුම පරිශ්‍රමයන් ශ්‍රී ලංකා ප්‍රජාවගේ ජීවිතවලට ආරක්ෂාව ලබාදීම හා ප්‍රගතිය උදෙසා පහසුකම් සැලසීම ලෙස සටහන් වන සෙලින්කෝ ලයිෆ් සන්නාමයේ මූලික පණිවිඩයට ඉතාමත් සමීපව සම්බන්ධ වේ.
2022 වසරේදී ද ශ්‍රී ලංකා අලෙවිකරණ ආයතනය (SLIM) විසින් සෙලින්කෝ ලයිෆ් ‘වසරේ සන්නාමය’ ලෙසත්, ‘වසරේ සේවා සන්නාමය’ ලෙසත් නම් කළ අතර වර්ල්ඩ් ෆයිනෑන්ස් විසින් අඛණ්ඩව නව වන වසරටත් ශ්‍රී ලංකාවේ හොඳම ජීවිත රක්ෂණ සමාගම ලෙස සම්මානයට ලක් විය. 2023 SLIM-Kantar ජනතා සම්මාන උළෙලේ දී ශ්‍රී ලංකාවේ වඩාත්ම ජනප්‍රිය ජීවිත රක්ෂණ සමාගම ලෙස 17 වන වසරටත් සම්මානය දිනූ සෙලින්කෝ ලයිෆ් මෑතකදී ශ්‍රී ලංකාවේ වඩාත්ම අගය කරන ලද සමාගම් 10 න් එකක් ලෙස ද නම් කරන ලදී. සෙලින්කෝ ලයිෆ් සමාගම ආරම්භ කර ගෙවුණු වසර 35 න් අර්ධයකට අධික කාලයක් මෙරට ජීවිත රක්ෂණ ක්ෂේත්‍රයේ වෙළඳපල නායකත්වය දරා ඇත. 2023 වසරේ ශ්‍රී ලංකාවේ වඩාත් වටිනා රක්ෂණ සන්නාමය ලෙස බ්‍රෑන්ඩ් ෆයිනෑන්ස් විසින් නම් කර ඇති සෙලින්කෝ ලයිෆ් 2022 වසරේ අඛණ්ඩව තුන්වැනි වසරටත් ශ්‍රී ලංකාවේ ‘විශිෂ්ට සේවා ස්ථානයක්’ ලෙස ද සම්මාන ලැබීය. සක්‍රීය රක්ෂණ ඔප්පු මගින් ජීවිත ලක්ෂ 10 කට ආසන්න ගණනක් ආවරණය කරන සෙලින්කෝ ලයිෆ් සමාගම ඔප්පුහිමියන්ගේ ජීවිත සහ ඔවුන්ගේ අරමුණු වලට ඇති අවදානම අවම කරන සහ ආරක්ෂාව ලබා දෙන නව්‍ය රක්ෂණ විසඳුම් සම්පාදනය කරයි.
සේයාරු සටහන – SLIM සන්නාම විශිෂ්ඨතා සම්මාන උළෙලේ දී සෙලින්කෝ ලයිෆ් සමාගමේ අධ්‍යක්ෂ හා ප්‍රධාන මෙහෙයුම් නිළධාරී රංග අබේනායක මහතා සහ නියෝජ්‍ය ප්‍රධාන මෙහෙයුම් නිළධාරී සමිත හේමචන්ද්‍ර මහතා (පිළිවෙලින් වමේ සිට සිව්වැන්නා හා සයවැන්නා) සමඟ සෙලින්කෝ ලයිෆ් අලෙවිකරණ කණ්ඩායම.
The post සෙලින්කෝ ලයිෆ් අඛණ්ඩව දෙවන වසරටත් ශ්‍රී ලංකාවේ වසරේ සන්නාමය ලෙසින් පිදුම් ලබයි appeared first on Adaderana Biz Sinhala | Sri Lanka Business News.
Source From biz.adaderana
Author: Bizweb2 Bizweb2
#SriLanka #News #lka