විශේෂ වෙළඳ භාණ්ඩ බද්ද ඉවත් කිරීම සම්බන්ධයෙන් පුළුල් සංවාදයකට සූදානම් – රංජිත් සියඹලාපිටිය

විශේෂ වෙළඳ භාණ්ඩ බද්ද ඉවත් කිරීමට රජය මේ වන විට කටයුතු කර ඇති බවත් මේ සම්බන්ධයෙන් කවර හෝ පාර්ශවයකට ගැටළු තිබේනම් පුළුල් සංවාදයකට තමා සූදානම් බවත් මුදල් රාජ්‍ය අමාත්‍ය ආචාර්ය රංජිත් සියඹලාපිටිය මහතා ප්‍රකාශ කළේය.

ප්‍රචලිත මාතෘකාවක් වන සීනි බදු වංචාව සම්බන්ධව බොහෝ දෙනා විවිධ අදහස් පළ කළ ද මේ සම්බන්ධයෙන් චෝදනා කරන සහ විවේචනය කරන පාර්ශවයන්ගෙන් මීට ඉදිරිපත් කළ හැකි ප්‍රායෝගික විසඳුම් මෙතෙක් ලැබී නොමැති බව ද කිසියම් හෝ ප්‍රායෝගික ක්‍රමවේදයක් වේ නම් එය ඉදිරිපත් කරන ලෙස ද අමාත්‍යවරයා පැවසීය.

බදු අඩු කිරීමට සාපේක්ෂව ආනයනකරු අදාළ අඩුකිරීම් නොකළහොත් ඔහුට එයින් මිදීමට හැකියාව ලැබුණු විට අසීමිත මුදලක් එකතු කර ගැනීමට හැකිවන බවත් යම් අවස්ථාවක වහාම බද්ද වැඩි කලොත් රට තුළ පවතින තොග වලට අනියම් වටිනාකමක් එකතුවන බවත් රජයට එය පාලනය කර ගත නොහැකි වුවහොත් එහි ලාභය යන්නේද ව්‍යාපාරිකයාට බවත් අමාත්‍යවරයා පෙන්වා දුන්නේය.

The post විශේෂ වෙළඳ භාණ්ඩ බද්ද ඉවත් කිරීම සම්බන්ධයෙන් පුළුල් සංවාදයකට සූදානම් – රංජිත් සියඹලාපිටිය appeared first on Adaderana Biz Sinhala | Sri Lanka Business News.