මෙකී ක්‍රියාමාර්ග හේතුවෙන් 2020 වර්ෂයේ දෙවන භාගයේදී ආර්ථිකය යළි යථා තත්ත්වයට පත් වනු ඇතැයි අපේක්ෂා කරන අතර, ඊට අනුගතව පහත සඳහන් පනත් සංශෝධනය කිරීම පිණිස නීති කෙටුම්පත් සම්පාදක විසින් පිළියෙල කර ඇති පනත් කෙටුම්පත් රජයේ ගැසට් පත්‍රයේ පළ කර පාර්ලිමේන්තුවට ඉදිරිපත් කිරීම පිණිස මුදල් අමාත්‍යතුමා ඉදිරිපත් කරන ලද යෝජනාව අමාත්‍ය මණ්ඩලය විසින් අනුමත කරන ලදී.
i 2009 අංක 9 දරන ජාතිය ගොඩනැඟීමේ බදු පනත.
ii 2006 අංක 13 දරන ආර්ථික සේවා ගාස්තු පනත.
iii 2011 අංක 18 දරන වරාය හා ගුවන්තොටුපොළ සංවර්ධන බදු පනත.
iv 2018 අංක 35 දරන මුදල් පනත.
තවද, පහත සඳහන් පනත් සංශෝධනය කිරීම සඳහා අවශ්‍ය කෙටුම්පත් සකස් කරන ලෙසට නීති කෙටුම්පත් සම්පාදකට උපදෙස් දීම පිණිස ඉදිරිපත් කරන ලද යෝජනාවට ද අමාත්‍ය මණ්ඩලය විසින් අනුමැතිය ලබා දෙන ලදී.
i 2017 අංක 24 දරන දේශීය ආදායම් පනත.
ii 2002 අංක 14 දරන එකතු කළ අගය මත බදු පනත.
The post බදු ප්‍රතිපත්ති සංශෝධනය ආර්ථික පුනර්ජීවනය උදෙසා ප්‍රතිපත්තිමය ක්‍රියාමාර්ග appeared first on Adaderana Biz Sinhala | Sri Lanka Business News.
Source From biz.adaderana
Author: Biz Editor
#SriLanka #News #lka