2020 ඔක්තෝබර් මස 05 වන දින අමාත්‍ය මණ්ඩල අනුමැතිය මත මෙම ව්‍යාපෘතිය සඳහා වන කොන්ත්‍රාත්තුව (රුපියල් 2,367,421,227.04+Vat) 2020 ඔක්තෝබර් මස 28 වන දින නවලෝක ක්‍රන්ස්ට්‍රක්ෂන් පුද්ගලික සමාගම වෙත ප්‍රදානය කරන ලද අතර දින 730ක ඉදිකිරීම් කාලයක් සඳහා වන මෙම ගිවිසුම අත්සන් කිරීම 2020 නොවැම්බර් මස 12 වන දින සිදුකරන ලදී.
මෙම නව ව්‍යාපෘතිය යටතේ මහල් තුනකින් සමන්විත ශක්තිමත් ගොඩනැගිල්ලක් (දළ වශයෙන් වර්ග මීටර 18,715 ප්‍රදේශයකින් යුත්), ව්‍යුහාත්මක කෘතිමව නිර්මානය කරන ලද වානේ ගොඩනැගිල්ලක් (දළ වශයෙන් වර්ග මීටර 1,567 ක ප්‍රදේශයකින් යුත්), ආරක්‍ෂක නිවාස 02 ක් (දළ වශයෙන් වර්ග මීටර 11.4 ක ප්‍රදේශයකින් යුත්), පුළුල් කරන ලද මාර්ග (දළ වශයෙන් වර්ග මීටර 555 ක ප්‍රදේශයකින් යුත්), නවීන විද්‍යුත් යන්ත්‍ර වලින් සමන්විත රථ ගාලක් :දළ වශයෙන් වර්ග මීටර 1,620 ක ප්‍රදේශයකින් යුත්), ඉදිකෙරුණු ඇත.
ඉන්දියන් සාගරයේ නැගෙනහිර හා බටහිර වාණිජ මධ්‍යස්ථානවල උපායමාර්ගිකව ස්ථාගතව බන්ඩාරණායක ජාත්‍යන්තර ගුවන්තොටුපලේ ගුවන්තොටුපල හා ගුවන්සේවා (ශ්‍රී ලංකා)(පුද්ගලික) සමාගමේ ගුවන් ගැල් පර්යන්තය විසින් ජාත්‍යන්තර වෙළඳ කටයුතු සඳහා පැය 24 ම අඛණ්ඩව සේවාවන් සපයනු ලබන අතර බන්ඩාරණායක ජාත්‍යන්තර ගුවන්තොටුපලෙහි ඉතා දක්‍ෂ, හොඳින් පුහුණුවූ සහ සුදුසුකම් ලත් කණා්ඩායමක් විසින් වාර්ෂිකව මෙටි්‍රක් ටොන් 250,000 ක ධාරිතාවයකින් යුත් ගුවන් භාණ්ඩ හසුරවනු ලබයි. මෙම නව ගුවන්භාණ්ඩ ආනයන පර්යන්තය මගින් වසරකට මෙට්‍රික් ටොන් 150,000 ක් හැසිරවීමේ හැකියාව ලබාදෙනු ඇත. මෙම පර්යන්තය සිසිල් කාමර පද්ධති සහ ස්වයංක්‍රීයව භාණ්ඩ නැවත ලබාගැනීමේ රාක්ක පද්ධතියක්න්ද සමන්විත වේ.
කෝවිඩ්-19 ගොලීය වසංගතයද නොතකා ආනයන, අපනයන හා ප්‍රති අපනයන කර්මාන්තයේ අවශ්‍යතාවයන් සපුරාලීම සඳහා සඳහා බන්ඩාරණායක ජාත්‍යන්තර ගුවන්තොටුපල ප්‍රධාන කාර්යභාරයක් ඉටු කරයි.
තවද, කෝවිඩ්-19 ගෝලීය වසංගත තත්ත්වය තුළ, කල්තබාගත නොහැකි භාණ්ඩ බන්ඩාරණායක ජාත්‍යන්තර ගුවන්තොටුපල වෙතින් ජාත්‍යන්තර වෙළඳපොළට අපනයනය කිරීමේ සැලකිය යුතු වර්ධනයක්ද දක්නට ලැබේ.
සිදුවෙමින් පවතින ව්‍යාප්තියත් සමග කර්මාන්තයේ අවශ්‍යතා සහ ඉල්ලීම් සපුරා ලීම සඳහා මෙම ගුවන් භාණ්ඩ පර්යන්තය විශාල කාර්යභාරයක් ඉටු කරනු ඇති බවට සැකයක් නොමැත.
ගුවන්භාණ්ඩ කර්මාන්තය යනු ගොලීය ආර්ථික සංවර්ධනයට බෙහෙවින් දායක වන සහ රැකියා මිලියන ගණනක් නිර්මානය කරන වෙළඳ පහසුකම් සපයන්නෙකි. ගෝලීය ආර්ථිකය රඳා පවතින්නේ ලොව පුරා පාරිභෝගිකයන්ට තරගකාරී මිල ගනන් යටතේ උසස් තත්වයේ නිශ්පාදන ලබා දීමේ හැකියාව මතය. ගුවන් භාණ්ඩ ගෝලීය වශයෙන් ඇමරිකානු ඩොලර් ටි්‍රලියන 6 කට අධික භාණ්ඩ ප්‍රවාහණය කරයි. ආසන්න වශයෙන් ලෝකවෙළඳපල වාර්ෂික වටිනාකමින් 35% කි. කෝවිඩ්-19 ගෝලීය වසංගත අර්බුදය ආරම්භ වූ දා පටන්ම ඉතා අත්‍යවශ්‍ය fඖෂධ වර්ග, වෛද්‍ය උපකරණ ප්‍රවාහනය කිරීම සඳහා ගුවන්භාණ්ඩ ප්‍රවාහණය ඉතා වැදගත් කාර්යභාරයක් ඉටුකරයි. ගුවන් භාණ්ඩ ප්‍රවාහන ගුවන්යානා, මගී ප්‍රවාහන ගුවන් යානා මෙන්ම බලපෑමට ලක්වූ ප්‍රදේශවල මගීන් නැවත ගෙන්වා ගැනීමේ ගුවන් යානා වල මෙම මෙහෙයුම් සිදු කර ඇත.
ශ්‍රී ලංකා සිවිල් ගුවන්සේවා අධිකාරියේ සභාපති උපුල් ධර්මදාස මහතා, ශ්‍රී ලංකන් ගුවන්සේවයේ සභාපති අශෝක් පතිරගේ මහතා, ගුවන් තොටුපල හා ගුවන්සේවා (ශ්‍රී ලංකා)(පුද්ගලික) සමාගමේ උප සභාපති රජීව් සූරියආරච්චි මහතා, ශ්‍රී ලංකන් ගුවන්සේවයේ ප්‍රධාන විධායක නිළධාරී විපුල ගුණතිළක මහතා, ගුවන් තොටුපල හා ගුවන්සේවා (ශ්‍රී ලංකා)(පුද්ගලික) සමාගමේ අධ්‍යක්‍ෂක/ අධ්‍යක්‍ෂක ගුවන්සේවා ව්‍යාපෘති අරුණ වරුෂහැන්නදිගේ මහතා, ගුවන් තොටුපල හා ගුවන්සේවා (ශ්‍රී ලංකා)(පුද්ගලික) සමාගමේ අධ්‍යක්‍ෂක/මෙහෙයුම් ෂෙහාන් සුමනසේකර මහතා, ගුවන් තොටුපල හා ගුවන්සේවා (ශ්‍රී ලංකා)(පුද්ගලික) සමාගමේ අනෙකුත් අධ්‍යක්‍ෂක මණ්ඩල නිළධාරීන්, අමාත්‍යංශයේ ජේෂ්ඨ නිළධාරීන්, ගුවන් තොටුපල හා ගුවන්සේවා (ශ්‍රී ලංකා)(පුද්ගලික) සමාගමේ ජේෂ්ඨ නිළධාරීන්, ශ්‍රී ලංකන් ගුවන්සේවයේ ජේෂ්ඨ නිළධාරීන්, ශ්‍රී ලංකා සිවිල් ගුවන්සේවා අධිකාරියේ ජේෂ්ඨ නිළධාරීන්, බන්ඩාරණායක ජාත්‍යන්තර ගුවන්තොටුපලේ ගුවන් භාණ්ඩ හසුරවන්නන් සහ අනෙකුත් සම්භාවණීය අමුත්තන් විශාල පිරිසක් කටුනායක බන්ඩාරණායක ජාත්‍යන්තර ගුවන්තොටුපලේ ගුවන් ගැල් ගමිමානයේ ගුවන් භාණ්ඩ ආනයන පර්යන්ත ගොඩනැගිල්ලේ ඉදිකිරීම සඳහා මුල්ගල් තැබීමේ උත්සවය සඳහා සහභාගි විය.
The post ගුවන් භාණ්ඩ ආනයන පර්යන්තයට මුල්ගල් තබයි appeared first on Adaderana Biz Sinhala | Sri Lanka Business News.
Source From biz.adaderana
Author: Biz Editor
#SriLanka #News #lka